ناوەندی هەواڵ

 

ئەمڕۆ، ٨ی ئایار، گوڵرۆخ ئیرایی، سپیدە قالیان، نێرگس محەمەدی، زوهرە سرۆ، نەسرین جەوادی و بەهارە هیدایەت، کە لە زیندانی ئەڤین زیندانی کراون، پەیامێکی ناڕەزایەتی دەربڕینیان بەرامبەر لەسێدارەدانەکانی ئەم دواییەی ڕژێمی ئێران بڵاوکردەوە و درێژەدان و خێراکردنی جێبەجێکردنی سزای لەسێدارەدان لە چەند ڕۆژی ڕابردوودا بە هەوڵی ڕژێم بۆ سەرکوتکردنی خەڵک و دروستکردنی ترس ناوزەد کرد.

 

دەقی پەیامی ئەو شەش ژنە زیندانییە:

بزووتنەوەی شۆڕشگێڕانەی "ژن، ژیان، ئازادی" بنەمای ئیرادەی گەلە بۆ کۆتایی هێنان بە دەسەڵاتی ستەمکاری ئایینی،

 

درێژەدان و خێراکردنی جێبەجێکردنی سزای لەسێدارەدان لە چەند ڕۆژی ڕابردوودا هەوڵی ڕژێمە بۆ سەرکوتکردنی خەڵک و دروستکردنی ترس، ئەو سێدارانەی کە ئەنجامدراون، کردەوەی توندوتیژیی ئاشکرایە بۆ نیشاندانی ئەو دەسەڵاتەی کە بۆ خەڵکی ئێران و جیهان دەرکەوتووە.

 

زیادبوونی تۆمەتەکانی گەندەڵی لە خاک و ڕووبەڕوو بوونەوە و دەرکردنی سزای لەسێدارەدان و جێبەجێکردنیان لە سەرتاسەری وڵات لە سیستان و بەلوچستان، خوزستان، ئازەربایجان، کوردستان تا تاران بە پەلە و بەبێ دادگاییکردنی دادپەروەرانە پاساوی یاسایی و ئەخلاقی نییە، سێدارە و کوشتن و "جینۆساید"ی ژنانی زیندانیکراوی ئەڤین لەلایەن حکومەتی دیکتاتۆرەوە شەرمەزار دەکەین و دەمانەوێت بە خێرایی بوەستێت.

 

ئێمە لە تەنیشت خەڵکی سەرهەڵدێر دەوەستینەوە، کە پێداگری لەسەر بەدیهێنانی ئامانجی بزووتنەوەی شۆڕشگێڕانەی خۆیان دەکەن، کە کۆتاییهێنانە بە حکومەتی مەزهەبی ستەمکار و ڕایدەگەیەنینم کە حکومەت بە سەرکوتکردنی خەڵک و دروستکردنی تیرۆر لەڕێگەی کوشتنەوە بە هیچ شوێنێک ناگات و مەحکومە بە تاوان، داوا لە ئەنجومەنی نێودەوڵەتی و میدیا جیهانیەکان دەکەین، کە بە پشتیوانی لە خەڵک و گوشار خستنەسەر کۆماری ئیسلامی ڕێگری لە درێژەی توندوتیژیی بگرن و هاوکاری بۆ بەدیهێنانی ئیرادەی گەلی ئێران بکەن.