قامیشلۆ

 

لەگەڵ نزیکبوونەوەی ساڵی نوێی کوردی، کە دەکەوێتە ١٣ی کانوونی دووەم، لێژنەی منداڵانی شلێر لە شاری قامیشلۆ لە باکوور و ڕۆژهەڵاتی سوریا، دوێنێ ٩ی کانوونی دووەم چەندین بڵاوکراوەیان بۆ زیندووکردنەوەی میراتی دێرینی گەلی کورد بەسەر منداڵان و خێزانەکاندا بڵاوکردەوە، کە تیایدا دەربارەی سەری ساڵی کوردی و دەستپێکرد و چۆنیەتی ئاهەنگ گێران زانیاری تێدابوو.

 

سەری ساڵی نوێ لە فەرهەنگی کوردیدا جێگەیەکی تایبەتی هەیە، لە شەوی ١٣ی کانوونی دووەمی هەموو ساڵێک ئەم بۆنەیە وەک سەرەتای ساڵ بە ڕێوڕەسمی تایبەت بەڕێوەدەچوو، هەروەها کوردەکان بە پێی ساڵنامەی ڕۆمانی ئەم بۆنەیە دەگێڕن کە هاوشێوەیە بۆ ساڵنامەی زاینی بە وەرگرتنی سیستەم و ساڵی خۆر بە تەواوی، کە ٣٦٥ ڕۆژ دەژمێرێت، جیاوازە لە ساڵنامەی زاینی بەو پێیەی ١٣ ڕۆژ بەدوای خۆیدا دەهێنێت.

 

جولیا کلۆی، بەڕێوەبەری لیژنەی منداڵانی شلێر لە گۆڕەپانی کۆمەڵایەتی، دەڵێت: بۆ زیندووکردنەوەی میراتە دێرینەکانمان و ئاشناکردنمان بە کولتوورەکانی دیکەی باکوور و ڕۆژهەڵاتی سوریا بڵاوکردنەوەمان دابەشکرد، لە ١٣ی مانگی یەکدا کچان و کوڕان یەک بە یەک کۆدەبنەوە و سەردانی ماڵەکان دەکەن و وەک هەموو جەژنەکانی سەری ساڵ کە لە جیهاندا پیرۆزبایی دەکەن.

 

ئاماژەی بەوەشکرد، ساڵی نوێی کوردی سەرەتای ساڵێکی نوێیە، بە خۆشی ئاهەنگی دەستپێکی ساڵی نوێ دەکەینەوە، هیوادارین بەختەوەری و ئازادی و یەکسانیمان بۆ بهێنێت.