گوڵێکی گەورە لە ئەندەنوسیا دۆزرایەوە
گوڵی "ئارنۆلدیان ڕافلیسیا" کە بە "گوڵی تەرم" ناسراوە لە گوندێکی ئەندەنوسیا دۆزرایەوە.

ناوەندی هەواڵ
دەرکەوتنی گوڵی "ئارنۆلدیان ڕافلیسیا"، کە بە گوڵی تەرم ناسراوە، لە گوندی پاڵۆبۆا شاری ئاگەم لە وڵاتی ئەندەنوسیا دەبێتە هۆی سەرنجڕاکێشانی میوان و سەردانیکەران.
ئەم ڕووەکە بە گەورەترین گوڵی جیهان دیاریدەکرێت، کە تیرەی گوڵەکەکی دەگاتە مەترێک و کێشەکەی دەگاتە ١١ کیلۆگرام، بەرزییەکەی نزیکەی سێ مەتر دەبێت و بۆنی گۆشتی خراپبووی لێدێت، بۆیە خەڵک پێی دەڵێن "گوڵی تەرم".
ئەو گوڵە کە ناوی ڕافلیسیایە یەکێکە لە دەگمەنترین ڕووەکەکانی جیهان بەهۆی سەختی کرداری گواستنەوەی هەڵاڵە، دۆزینەوە و بینینی، چونکە دەرکەوتنی ئاسان نییە و لە دارستانە باراناویەکاندا دەبینرێت، نزیکەی ١٠ ساڵی دەوێت تا گەشە دەکات و دەکرێتەوە و کرانەوەکەشی تەنها ماوەی ٢٤ بۆ ٣٦ کاتژمێر دەبێت.