ناوەندی هەواڵ

 

دادگای باڵای نەتەوە یەکگرتووەکان دانی بەوەدانا کە لەباربردن چیتر مافێکی گشتی نییە، دادگای باڵا بڕیاری دەستووری ساڵی ١٩٧٣ی هەڵوەشاندەوە و ئێستا دەوڵەت دەتوانێت یاساکانی خۆی دەربکات.

 

لە دوای بڕیارەکەی دادگای باڵا، دەستبەجێ لەباربردن لە ١٣ ویلایەت قەدەغە کرا، ئایداهۆ، داکوتای باکوور، ئوتا، وایۆمینگ، داکوتای باشوور، میسۆری، کێنتوکی، تێنیسی، ئۆکلاهۆما، لویزیانا، ئارکانساس، میسیسیپی و تێکساس.

 

چەند کاتژمێرێک دوای بڕیارەکەی دادگای باڵا، ویلایەتی میسۆری لەباربردنی بەبێ جیاوازی بۆ ئەو ژنە دووگیانانەی کە لە ئەنجامی دەستدرێژی سێکسییەوە بووە، قەدەغە کرد. هەروەها داکۆتای باشوور لەباربردنی لەباربردن لەو بارودۆخانەدا قەدەغە کردووە کە ژیانی دایکەکە لە مەترسیدایە.

 

بەپێی گۆڤاری پۆلۆتیکۆ، مافی لەباربردن لە ٢٩ ویلایەت دوای بڕیارەکەی دادگای باڵا هێشتا مسۆگەرە، لەوانە ئەلاسکا، کالیفۆرنیا، کۆلۆرادۆ، کۆنتێکتیکۆت، دێلاوێر، دیستریکت ئۆف کۆڵۆمبیا، فلۆریدا، هاوایی، ئیلینۆیس، ئیندیانا، لۆوا، کانزاس، مەین، میریلاند، ماساشوستس، مینیسوتا، مۆنتانا، نێبراسکا، نیڤادا، نیو هامپشایر، نیوجێرسی، نیو مەکسیکۆ، نیویۆرک، ئۆریگۆن، پێنسیلڤانیا، ڕۆد ئایلەند، ڤێرمۆنت، ڤێرجینیا، واشنتۆن.

 

میشێل باسیل، كۆمیساریای باڵای مافه‌كانی مرۆڤ بڕیاره‌كه‌ی دادگای باڵای به‌ پێشێلكردنی مافی مرۆڤ پێناسەكرد و جه‌ختیشی كرده‌وه‌ كه‌ ته‌ندروستی و ژیانی ژنان له‌ مه‌ترسیدایه‌.

 

نزیکەی ٪٤٥ی ئەو لەباربردنانەی کە ئەنجام دەدرێن سەلامەت نین

سندوقی دانیشتوانی نەتەوە یەکگرتووەکان و ڕێکخراوی تەندروستی جیهانی مەزەندە دەکەن کە لە ٪٤٥ی لەباربردنی منداڵ لە جیهاندا سەلامەت نین، ئەمەش هۆکاری سەرەکی مردنی ژنانە، نانسی بیلوسی، سەرۆکی ئەنجومەنی نوێنەرانی ئەمریکا رایگەیاند، دادگای باڵا مافی ئەمریکییەکان پێشێلدەکات و سەلامەتی و تەندروستیان دەخاتە مەترسییەوە.

 

جۆ بایدن، سەرۆکی ئەمریکا بڕیارەکەی بە هەڵەیەکی تراژیدی ناوبرد و وتی: ئەم بڕیارە لە ئایدۆلۆژیایەکی رادیکاڵەوە هاتووە، ئەمە ڕۆژێکی دڵتەزێنە بۆ دادگاکان و وڵاتەکە، ئێستا تەندروستی و ژیانی ژنان لەم وڵاتە لە مەترسیدایە. "

 

هەزاران کەس لەبەردەم بینای دادگای باڵا لە ناوەندی شاری واشنتۆن دی سی گردبوونەوە بۆ ئیدانەکردنی بڕیاری دادگا بۆ هەڵگرتنی مافی لەباربردنی منداڵ.