ناوەندی هەواڵ

 

شارەزایانی مافی مرۆڤی نەتەوە یەکگرتووەکان بەیاننامەیەکیان بڵاوکردەوە و داوایان لە دەوڵەتەکان کرد کە پابەندبوونیان نوێ بکەنەوە بۆ کۆتاییهێنان بە هەموو شێوازەکانی دەستدرێژی و توندوتیژی دژی ژنانی بەتەمەن، بۆ پیادەکردنی مافەکانی مرۆڤ و کارکردن لە دژی هەڵسوکەوتی نامرۆڤانە بەرامبەیان.

 

بەپێی ڕێکخراوی ژنانی نەتەوە یەکگرتووەکان، لە سەرەتای بڵاوبوونەوەی ڤایرۆسی کۆرۆناوە ڕێژەی توندوتیژی دژی کەسانی بەتەمەن و توندوتیژی خێزانی زیادیکردووە، ٪٣٤ی ژنانی تەمەن سەروو ٦٠ ساڵ سکاڵایان تۆمارکردووە کە توندوتیژیان بەرامبەر کراوە، لەو چوارچێوەیەدا شارەزایان داوای پۆلێنکردن و بەڵگەکردنی ئاستی توندوتیژی دژ بە ژنانی بەتەمەن دەکەن.