نوپەلدا دەنیز

 

مەخموور-خۆ پەروەردەکردنی ژنان بۆ ناسینی ئەرک، ماف و ڕۆڵی خۆیان لە کۆمەڵگەدا و ڕووبەڕووبوونەوەی هۆشیاری پیاوسالاری و توندوتیژی و هەموو ئاستەنگەکانی بەردەم ژنان گرنگییەکی زۆری هەیە، بواری پەروەردەی کامپی پەنابەرانی شەهید ڕۆستەم جودی "مەخموور" لە پشووی هاوینەدا بە ئامانجی پەروەردەی مامۆستایانی ژنی کامپەکە دەستی بە پەروەردەی ئایدیۆلۆژی کرد، ئەو ماوەیەی پەروەردە کە لەژێر ناوی شۆڕشگێڕ ئازێ ئەردەم دەستیپێکرد، ١٢ ڕۆژی خایاند و کۆتایی هات.

 

خولی پەروەردە لەسەر گرنگی پەروەردە و خۆپەروەردەکردنی ژنان و خۆپاراستنی ژنان پێشکەشکرا، مامۆستایانی مەخموور کە بەشدارییان لە پەروەردەدا کرد، سەبارەت بە گرنگی پەروەردە قسەیان بۆ کردین.

 

"لەسەر بنەمای میراسی شەهیدان پەروەردە دەدەین و نوێی دەکەینەوە"

مامۆستا هەزار ئوچار وتی: دوای ساڵی خوێندنی ٢٠٢٣-٢٠٢٤ پەروەردەمان ئەنجامدا، هەر دوو ساڵ جارێک وەک مامۆستای سەربەخۆ، کۆبوونەوەی پەروەردەمان هەیە، خوێندنمان لە کەسایەتی شەهید ئازێ ئەردەم دەستیپێکرد، ئەمە بۆ ئێمە زۆر بەنرخە، لە کەسایەتی شەهید ئازێ ڕێز لە هەموو شەهیدانی تەڤگەری ئازادی دەگرین، لەسەر بنەمای میراسی شەهیدان خۆمان پەروەردە دەکەین، کاتێک پەروەردە وەردەگرین و دەدەین، گەڕانەوە بۆ دواوە نییە، بەڕاستی ئێمە وەک بواری پەروەردە لەم جیاوازییەداین، کە وەک خەڵکی کامپەکە لەسەر بنەمای میراسی شەهیدان پەروەردە دەکەین و نوێی دەکەینەوە.

 

"لە ڕێگەی پەروەردەوە تێڕوانینەکەمان دەگۆڕین"

 هه زار ئوچار باسی له وهکرد، په روەرده ڕێگایه بۆ ڕزگاربوون له هه موو پیسییەکانی سیستمی دەسەڵاتدارو وتی: هەوڵدەدەین لەڕێگەی پەروەردەوە خۆمان لەهەموو پیسییەکانی سیستمەکە ڕزگاربکەین، واتە پەروەردە ڕزگاریمانە بۆ نوێبوونەوە، وەک مامۆستایانی بواری پەروەردە، هەر پڕۆسەیەک کە لەسەری پەروەردە کراوین، گرنگی و تایبەتمەندییەکی ڕاستەقینەی خۆنوێکردنەوەی هەیە، پەروەردە هەم بۆ ئێمە وەک تاک و هەم وەک کۆمەڵگە و هەم وەک گەلێک بە بەنرخ دەزانین، هەر بۆیە ئێمە لە هەموو پەروەردەیەکدا کە دەیبینین تێڕوانینەکەمان دەگۆڕین.

 

"نەتەوەیەکی دیموکراتیک بونیاد دەنێین"

هەزار ئوچار ئاماژەی بەوەشکرد، هەوڵی بونیادنانی نەتەوەی دیموکراتیک دەدەن و وتی: لەبەرئەوەی تێڕوانینێکی پیس و سیستم هەیە ئێمە هەوڵدەدەین سیستمێکی کۆمەڵایەتی بەڕەوشت و سیاسەت و ئازادیخوازی ڕەگەزی و ئازادی ژنان لە دژی ئەم تێڕوانینە بونیاد بنێین، سیستمێک هەیە مرۆڤ لەناو دەبات، ئێمەش وەک گەلی کورد، خەریکی بونیادنانی سیستمی نەتەوەی دیموکراتیکین، هەوڵدەدەین ئەمە لەسەر بنەمای بیر و فەلسەفەی ڕێبەر بونیاد بنێێن، هەوڵدەدەین بگەینە ئەو ڕاستییەی کە تا چەند باوەڕمان هەیە، چۆن دەژین، چەندە ڕاست دەژین و تا چەند دەتوانین شایەنی ئەمە بین، زۆر سیستم هەیە دەڵێن ئێمە دیموکراسین، بەڵام دیموکراتیکبوونی ئەوان تەنها وشەیەکە، لە پەروەردەدا فێری ڕاستی ئازادی و ئەم بەهایە و نادادپەروەری ئەم سیستمانە بووین، دەربارەی ڕاستی ڕێبەرو نزیکیی ڕێبەر بەرامبەر بە مرۆڤ و ژن و منداڵان پەروەردەمان بینی، هەوڵماندا ئەو کەسایەتی و ژیان و ڕاستییە فێربین کە ڕێبەر لە پەروەردەدا بونیادی ناوە.

 

"ئازادی خۆمان لە ئازادی ڕێبەردا دەبینین"

هەزار ئوچار، له درێژەی قسەکانیدا ئاماژەی بەوەکرد، وەک ژن لە ئازادی فیزیکی عەبدوڵا ئۆجالان دەبینین و وتی: ئێمە بە تایبەتی وەک ژن ئازادی ڕێبەر بە ئازادی خۆمان دەبینین و دەڵێین ئەگەر ئازادی ڕێبەر نەبێت ئازادیمان نییە، ڕێبەر لە ڕووی بیرەوە لە هەموومان ئازادترە، بوونی خۆمان لە بوونی ڕێبەردا دەبینین و بیر و هەست و متمانەمان لە ڕێبەر وەردەگرین، بۆیە ئێمە بە چاوەڕوانییەکی زۆر بەرزەوە مامەڵە دەکەین، پەروەردە بۆ ئێمە خاڵی نەگەڕانەوەیە و ڕێبەرهەمیشە دەڵێت: بونیادنانی کەسایەتی دروست لە ڕێگەی پەروەردەوە بونیاد دەندرێت، لەسەر ئەم بنەمایە ئێمە بە پەروەردەی ١٢ ڕۆژە تێپەڕین و ئەنجامێکی زۆر گرنگمان بەدەستهێنا.

 

"لە ڕێگەی پەروەردەوە ڕاستی خۆمان ناسی"

مامۆستا کوردستان ماناک ئاماژەی بەوەکرد، پێویستە لە ڕێگەی پەروەردە هەوڵی دروستکردنی داهێنان لە کەسایەتییەکانیاندا بدەن و وتی: ویستمان لە ڕێگەی قۆناغێکی پەروەردەییەوە ڕووبەڕووی کێشە کۆمەڵایەتی و پەروەردەییەکانمان ببینەوەو خۆمان داهێنان دروست بکەین، وەک مامۆستای سەربەخۆ بۆ ماوەی ١٢ ڕۆژ پەروەردەمان هەبوو، وەک مامۆستای ژن، پەروەردەکاری کۆمەڵگەین و منداڵانی کامپەکە پەروەردە دەکەین بۆ داهاتوویەکی ئازاد، هەوڵماندا لەم پەروەردەیەدا تێبینییەکانمان تێپەڕێنین، بینیمان کە پێویستمان بە پەروەردەیەکی زۆرە، دەبێت جار جارە خوێندنمان نوێ بکەینەوە، ئێمە خۆمان دەناسین و ڕاستییەکانمان دەدۆزینەوە و لە ڕێگەی پەروەردەوە خۆمان ڕێکدەخەین، هەروەک چۆن ئێمە وەک مامۆستا هەوڵدەدەین کەسایەتی ئازاد بونیاد بنێین، پێویستە پێش هەموو شتێک کەسایەتی خۆمان ئازاد بکەین.

 

"پەروەردە بۆ ژنان زۆر گرنگە"

کوردستان ماناک ڕاشیگەیاند، پەروەردە بۆ ژنان زۆر گرنگە و وتی: پەروەردە بۆ ژنان گرنگییەکی زۆری هەیە، دەبینین هێرش و توندوتیژی و دەستدرێژیکردنە سەر ژنان بە هەموو شێوەیەک ئەنجام دەدرێت، دوژمنەکانمان دەیانەوێت بەم هێرشانە کەرامەتی ژنان پێشێل بکەن، ژن وەک ماددی بخەنە ڕوو و وەک ئامرازێک بۆ خۆیان بەکاری بهێنن، بۆیە وەک ژن پێویستمان بە پەروەردەکردنە، وەک ژن پێویستە بتوانین خۆمان لەم هێرشانە ڕزگار بکەین و خۆمان بپارێزین.