ناوەندی هەواڵ

 

دوێنی کە ١٠ساڵ بەسەر کۆمەڵکوژی پاریس و شەهیدکردنی ساکینە جانسز-سارا، فیدان دۆغان-ڕۆژبین و لەیلا شایلەمەز-ڕۆناهی تێپەڕی و ژنانی گوندی ئالیە ڕەشی بناری قەندیل گردبوونەوە و ئیدانەی کۆمەڵکوژییەکانی پاریسی ساڵی ٢٠١٣ و ٢٠٢٢یان کرد و هەڵوێستی خۆیان نیشاندا.

 

لە گردبوونەوەکەدا بەیاننامەیەک لەلایەن ژنانی گوندەوە خوێندرایەوە و داوایانکرد گەلی کورد و گەلانی دیموکرات لە ئاست ئەو کۆمەڵکوژی و تیرۆرانەی دەوڵەتی تورک بێدەنگ نەبن و ھەڵوێستیان ھەبێت.

 

هەروەها ژنان هەڵوێستی خۆیان خستەڕوو کە دژی هەموو کۆمەڵکوژییەکانی سەر ژنان دەبن و درێژەپێدەری ڕێبازی شەهیدانن.

 

لە کۆتایی گردبوونەوەکەدا بەڵگە فیلمێک لەسەر ژیان و تێکۆشانی ساکینە جانسز و ھەڤاڵەکانی نمایش کرا.