سلێمانی

 

ئەمڕۆ لە شاری سلێمانی شاندێکی نێودەوڵەتی گەنجان سەردانی نوێنەرایەتی بەڕێوەبەری خۆسەری باکوور و ڕۆژهەڵاتی سووریا لە هەرێمی کوردستان کرد و لەلایەن ئەڤین سوید، نوێنەری نوێنەرایەتییەکە پێشوازییان لێکرا.

 

لە کۆبوونەوەیەکدا شاندەکە و نوێنەرایەتی بەڕێوەبەرایەتی خۆسەر باسیان لە هێرشە داگیرکارییەکانی دەوڵەتی تورکیا کرد بۆ سەر باشووری کوردستان و مەترسییەکانی سەر ڕۆژئاوای کوردستانیان تاوتوێ کرد.

 

شاندەکە پێکدێن لە کۆمەڵێک ڕۆژنامەنووس، چالاکوان و گەنجانی شۆڕگێڕی ئەوروپی بۆ لە نزیکەوە ئاگاداربوون لە هێرشەکانی دەوڵەتی تورکیای داگیرکەر و هەوڵدان بۆ ڕاوەستاندنی هێرشەکان هاتوونەتە باشووری کوردستان و لە چەند ڕۆژی ڕابردووشدا سەردانی قەندیلیان کرد و شوێنی بۆردومانی فرۆکەکانی دەوڵەتی تورکیایان بەسەرکردەوە.

 

هاوکات گروپێک لە گەنجانی شاندی نێودەوڵەتی ویستیان لە دەروازەی فیشخاپورەوە بچنە ڕۆژئاوای کوردستان، بەڵام لەلایەن پەدەکەوە ڕێگرییان لێکرا.