ناوەندی هەواڵ

 

بەڕێوەبەرایەتی پۆلیسی دارستانی سلێمانی لەبارەی سووتانی دەیان داری سنەوبەر لە سنووری دەربەندیخان ڕاگەیەندراوێكی بڵاوكردەوەو تێیدا هاتووە، دواى ئەوەى ئاگادارکرانەوە لە سنوورى گوندى (چنارە ) ئاگرێک کەوتۆتەوە دەست بەجێ تیمەكانمان گەیشتنە شوێنى ڕووداوەکە و توانیان ئاگرەکە لە ماوەیەکى کەمدا کۆنترۆڵ بکەن.

 

ئاماژە بەوەشكراوە، كەوتنەوەی ئاگرەکە بووە هۆى سووتانى (٤٢) دارى سنەوبەر و لەهەمان کاتدا هاوڵاتییەک بەتۆمەتى ئاگرکەوتنەوەکە دەستگیرکرا.

 

ئەوەش خراوەتەڕوو، پەڕوای لێکۆڵینەوە ڕێکخراوە و ڕادەستی دادوەر کراوە بۆ وەرگرتنی ڕێکاری یاسایی.