ژوان کەرەمی

 

کرماشان- ڕژێمی ئیسلامی ئێران، جگە لە پڕوپاگەندەی بەرفراوان سەبارەت بە پرسی حیجابی ناچاری لە ڕێگەی قۆڵە ئایدیۆلۆژییەکانی وەک پەروەردە، ڕادیۆ و تەلەفزیۆن، مزگەوت، شاند و حوسێنییەکان و چالاکوانانی تۆڕی کۆمەڵایەتی بەرفراوان کە سایت و لاپەڕەی بێشومارەوە ئەنجامی دەدات، ڕووی کردووەتە ڕیکلام لە شار و دانانی لافیتە و تابلۆی گەورە لەلایەن بارەگای فەرمان بە چاکە و نەهی لە خراپە.

 

بێگومان ئەمە شتێکی نوێ نییە، بەڵام دوای دەستپێکردنی شۆڕشی "ژن، ژیان، ئازادی" لە مانگی ئەیلولی ٢٠٢٢دا ژنان بە ڕێژەیەکی بەرچاو پێشەنگایەتیان تێداکرد، لە بەرامبەردا ڕژێم دەستی کردووە بە پڕوپاگەندە بۆ حیجابی ناچاری، ئەم ئۆپراسیۆنانە نەک هەر لەلایەن بازنەکانی هەڵبژاردنی بەسیج و دامودەزگا ئایینیەکانی سوپای پاسدارانی ئێرانەوە ئەنجام دەدرێت، بەڵکو دەزگا و فەرمانگە حکومەییەکانیش وەک شارەوانی و پارێزگارەکان ئەنجامی دەدەن، ئامانجیشیان ملکەچکردنی ژنانە، لە شاری کرماشان، تابلۆی گەورە و ستاندەکانی ڕیکلام هەموویان لەژێر کاریگەری ئەو ڕیکلامە ئایدیۆلۆژی و سەپێنراوانەدان، کە لەلایەن بارەگای شارەوانی کرماشانەوە جێبەجێ دەکرێن.

 

لەلایەکی دیکەوە لەکاتێکدا حکومەت لەبەردەم کورتهێنانی سەختی بودجە دایە و ئابووری لەژێر کاریگەری ئەم بێ بودجەیە و زیادبوونی کتوپڕی نرخی ئاڵوگۆڕی دراو و هەڵاوسانی بێ وێنە دایە، دامودەزگا سەربازییەکان و بەناو حکومەتەکانی ژێر سێبەری ڕژێمی کۆماری ئیسلامی، بە زانینی هێڵەکانی بودجە بە بێهاوتای وەزارەتەکان هیچ سنوورێکیان بۆ ئەو جۆرە ڕیکلامانە نییە، بۆ نموونە نەخۆشخانەی ئیمام حسێن لە کرماشان کە لەلایەن سپای پاسدارانی ڕژێمەوە بەڕێوەدەبرێت، لە کاتێکدا پێویستە ئەو جۆرە ڕیکلامانە بۆ بواری تەندروستی تەرخان بکات و گرنگی بە زانیاری و هۆشیاری لەو بوارەدا بدات، لە ناوچەی نەخۆشخانەکەدا لافیتەیەکی داناوە کە بە ڕوونی نموونەی "قسەی ڕقاوییە"، لەم لافیتەدا هاتووە: حیجاب قەڵایەکی بەهێزە کە ژن بە سەلامەتی دەهێڵێتەوە و لە چاوی پیاوە خراپەکان دەپارێزێت!

 

ئەم دەربڕینانە جگە لە بڵاوکردنەوەی ڕق و کینە، بە ڕوونی سووکایەتیکردنە بە شوناسێکی کۆمەڵایەتی گەورە کە پیاوە، لە لایەکەوە ئەو بیرۆکەیەی تێدایە کە ژن لاوازە، و ئاماژە بەوە دەکات کە ژنان لە بەرامبەر دەستدرێژیی کەسێکی دیکەدا دەستبەرداری ماف و ئازادی خۆیان بن و بەم شێوەیە لە دەستدرێژیەکانی ئەو سەلامەت بن.