ناوەندی هەواڵ

 

بەهۆی توانەوەی بەفری زنجیرە چیاکانی ئورال لە هەرێمی سایبیریای ڕووسیا ئاستی ئاوی ڕووباری ئورالی بەرزکردووەتەوە و ئەوەش بووتە هۆی دروستبوونی لافاو لە شاری ئۆرێنبێرگ لە ڕووسیا کە نزیکەی نیو ملیۆن دانیشتووی هەیە، زۆرترین زیانی بەرکەوتووە و تێیدا زیاتر لە ٧ هەزار و ٧٠٠ کەس ناچاربوون ماڵەکانی خۆیان جێبهێڵن و ١٠ هەزار و ٥٠٠ خانووش ڕووخاون و زیانیان بەرکەتوون.

 

ئاستی ڕووبارەکە ١٠ مەتر بەرزبووەتەوە و بەو هۆیەوە زیاتر لە ١٠٠ هەزار کەس ئاوارەبوون و نزیکەی ٥٥٠ هەزار خانووش لە هەردوو وڵات ڕووخاون و زیانیان بەرکەوتووە،

 

هەر لە رووسیا لە شاری کورگان زیاتر لە چوار هەزار و ٥٠٠ کەس ئاوارەبوون و  پێشبینیدەکرێت ئاوارەبوونی هەزارانی دیکە دەکرێت، وەزارەتی فریاگوزاریی ڕووسیا ئاماژەی بەوەکرد، ٣٥ تەن هاوکاری کە پێکدێت لە خۆراک، دەرمان و پێداویستی دیکەی رۆژانە بە فڕۆکە دەگەیەندرێتە ناوچە زیانبەرکەوتووەکان.

  

جگە لەوەش لافاو باکوور و ڕۆژهەڵاتی کازاخستانیشی گرتەوە، بەهۆی لافاوەوە زیاتر لە ٩٧ هەزار کەس ماڵی خۆیان جێهێشتووە و ئاوارەبوون، حکومەتی کازاخستان باری لە ناکاوی لە هەشت پارێزگا ڕاگەیاندووە و تیمەکانی فریاگوزاری بۆ دروستکردنی ڕێڕەوی ئاو بۆ کەمکردنەوەی مەترسی چوونەتە ناوچە مەترسیدارەکان.