ناوەندی هەواڵ

 

بزووتنەوەی کچانی وڵات کە لە ساڵی ٢٠٢١ لە فەلەستین بۆ دیموکراسی و مافەکان دامەزرا، ئەمڕۆ، بەیاننامەیەکیان بڵاوکردەوە و تیایدا جەختیان لەوە کردەوە کە بەردەوامی بێدەنگی نەتەوە یەکگرتووەکان دەربارەی شەڕی غەززە پرسیارێک لەبارەی مانەوەی نەتەوە یەکگرتووەکانەوە دەوروژێنێت.

 

لە ڕاگەیەندراوەکەدا جەخت لەوە کراوەتەوە، ئەو هەواڵانەی لە کەرتی غەززەوە دێت سەبارەت بە دەستدرێژیکردنە سەر ژنانی فەڵەستینی لەلایەن سەربازە داگیرکەرەکانەوە، هەوڵەکانی سوپای داگیرکەری ئەو وڵاتە پشتڕاست دەکاتەو کە دژی گەلی فەڵەستین ئەنجامی دەدات.

 

لە بەیاننامەکەدا ئاماژە بەوە کراوە، ئەم تاوانانە جارێکی دیکە پشتڕاستی دەکەنەوە کە حکومەتەکانی وڵاتانی ئیمپریالیستی بە سەرۆکایەتی ئەمریکا و هەموو ئەوانەی لە ناویدان، لەوانەش وڵاتانی وەک ئەڵمانیا، بەریتانیا و فەرەنسا، کە گۆرانی بۆ بەها دیموکراسی و مرۆییەکان دەڵێنەوە، ئەم تاوانانە بەکاردەهێنن.

 

ئاماژەیان بەوەکرد، لە ژێر ئاڵای بەرجەستەکردن و پاراستنی ئەم کردەوانە، ئەو دەسەڵاتانە ژمارەیەکی زۆر وڵاتیان لەناوبردووە، بەتایبەتی لە جیهانی عەرەبیدا، لە کاتێکدا خۆیان بە پارێزەری بەهاکانی دیموکراسی و ئازادی و مافەکانی مرۆڤ لە ئاستی جیهانی، و لە هەمان کاتدا بەردەوامبوون لە گۆشەگیریکردنی گەلان و تاڵانکردنی سەرچاوەکانیان بە بیانووی پاراستنیان.

 

لە ڕاگەیەندراوەکەدا جەخت لەوە کراوەتەوە، بێدەنگی نەتەوە یەکگرتووەکان و ئۆرگانە جۆراوجۆرەکانی و دەستوەرنەدانی بۆ وەستاندنی شەڕی جینۆساید و تاوانەکانی دژ بە مرۆڤایەتی، بەتایبەتی تاوانەکانی دژ بە ژنان، دەرخەری ئەوەن کە ئەم دەزگایە هەوڵی پێویستە نادات بۆ وەستاندنی ئەم تاوانانە، هەروەها نەتەوە یەکگرتووەکان نەیتوانیوە گەلی فەڵەستین بپارێزێت.

 

بزووتنەوەکە لە ڕێگەی بەیاننامەکەیەوە داوای لە سکرتێری گشتی نەتەوە یەکگرتووەکان کرد دەستبەجێ بێتە دەنگ و کاری گرنگ بکەن بۆ لەناوبردنی پێشێلکارییەکانی سەر بە ژنان و تەواوی مرۆڤایەتی، داوای پێکهێنانی لیژنەیەکی لێکۆڵینەوە لە تاوانەکانی دەستدرێژی سێکسی دژی ژنانی فەڵەستینی لە کەرتی غەززە و کەناری ڕۆژئاوا دەکەن.

 

لە بەیاننامەکەدا ڕەخنەی لە کۆمیسیۆنی ژنانی نەتەوە یەکگرتووەکان گرتووە لەسەر بێدەنگییەکەی و داوای لێکردووە ڕۆڵی خۆی لە پاراستنی ژنانی فەلەستین ببینێت و دەشڵێت: ئێمە ڕوو لە هەموو هێزە جەماوەری و مەدەنییەکان دەکەین دژی داگیرکاری و کۆلۆنیالیزم، بۆ پێکهێنانی بەرەیەکی نیشتمانی بۆ دادگاییکردنی دوژمنان.