ڕۆژهەڵاتی کوردستان: ئاگر لە سەروئاباد کەوتەوە
ئاگرکەوتنەوە لە دارستانەکانی ڕۆژهەڵاتی کوردستان بەردەوامە، ئەمڕۆش نیزسەولاوا "سەروئاباد" بوو بە قوربانی ئاگر.

سەولاوا
ئەمڕۆ سێشەممە، شاخەکانی ناوچەی سەولاوا کە بەشێکە لە ناوچەی مەریوان، بەهۆی ئاگرکەوتنەوە زیانیان بەرکەوتووە.
ئاگرکەوتنەوەی بە ئەنقەست بەردەوامی هەیە، چەندین دارستان و باخ لە مەریوان، پاوە و زۆرێک لە چیاکانی کوردستان بەهۆی ئاگرە بە ئەنقەستەکانی حکومەت وێران بوون، لە ئەنجامی ئەم ئاگرکەوتنەوانە بەشێکی زۆری ڕووەک و زیندەوەران لەناودەچن.
دوابەدوای ئاگرکەوتنە زنجیرەییەکانی مەریوان و پاوە، ئەمڕۆ دووکەڵی بڵێسەی ئاگرەکانی سەولاوا دەبینرێت، کە ئەگەر بەم زووانە کۆنتڕۆڵ نەکرێت بڵاودەبێتەوە و لە کۆنتڕۆڵ دەردەچێت، بێگومان تا ئێستا چالاکوانانی ژینگەپارێزی هیچ هەواڵێکیان لەسەر ئەم ئاگرکەوتنەوە بەدەست نەگەیشتووە و هیچ هەنگاوێک نەگیراوەتەبەر بۆ کۆنترۆڵکردنی.