ناوەندی هەواڵ

 

بە بۆنەی ١٠ی کانوونی یەکەم، ڕۆژی جیهانیی مافی مرۆڤ و کۆتا ڕۆژی هەڵمەتی بەرەنگاربوونەوەی توندوتیژی دژی ژنان کۆردیناسیۆنی کۆنگرەی ستار لە لوبنان ڕاگەیەندراوێکی نووسراوی بڵاوکردەوە و ڕایگەیاند، "هێرشەکانی دەوڵەتی داگیرکەری تورکیا و بەکرێگیراوەکانی بۆ سەر هەرێمی باکوور و ڕۆژهەڵاتی سووریا شەرمەزار دەکەین".

 

لە ڕاگەیەندراوەکەدا ئاماژە بەوە کراوە، پێشهاتەکانی ئەم دواییە و شەڕی غەززە و شەڕی سووریا سەلامەتی گشتی ناوچەکە دەکاتە ئامانج، دەوڵەتی تورکیا کە پشتیوانی لە گروپە تیرۆریستییەکان دەکات، بەرپرسیارە لەم ڕووداوانە.

 

بانگەواز بۆ یەکڕیزی لە دژی هێرش و هەڕەشەکان

لە ڕاگەیەندراوەکەدا داوا لە هێزە نێودەوڵەتییەکان و نەتەوە یەکگرتووەکان کراوە کە هێرشەکان ڕابگرن و هاوڵاتییانی ناوچە گەمارۆدراوەکان بپارێزن. جەختیش لەسەر گرنگی ڕۆڵی خۆبەڕێوەبەری دیمکوراتیک لە بنیادنانی کۆمەڵگەیەکی دیموکراسی فرە کولتوری لە هەرێمی باکوور و ڕۆژهەڵاتی سووریا کرایەوە.

 

کۆنگرەی ستار لە بەرامبەر هێرش و هەڕەشەکاندا، بانگەوازی لە گەل و هێزە سیاسییەکان دەکات، یەکڕیز بن و لە دەوری پڕۆژەی دیموکراتیک لە ناوچەکەدا کۆببنەوە.