گوڵستان سۆنوک: شارەکەمان لە دەست دەسەڵاتی تاڵانچی ڕزگار دەکەین
گوڵستان سۆنوک، هاوسەرۆکی شارەوانی ئێلح، لە بەردەم بینای شارەوانی کە لەلایەن پۆلیسەوە بە زرێپۆش دەورە دراوە، قسەی کرد و وتی: پێکەوە شارەکەمان، شارەوانیمان لەم دەسەڵاتە قۆرخکار و دز و ستەمکارە ڕزگار دەکەین.
ئیلح
گوڵستان سۆنوک، هاوسەرۆکی شارەوانی ئێلح، دوای دانانی قەیوم، چووە نووسینگەی شارەوانی ئیلح و خەڵک لە بەردەم شارەوانی کۆببوونەوە، دروشمی "قەیوم دەڕوات، گەل دێت"، "نا بۆ کودەتا" و "بە بەرخۆدان سەردەکەوین"یان بەرزکردەوە.
هاوڵاتییەک کە دەیگوت مامۆستام، کاردانەوەی بەرامبەر دانانی قەیوم نیشان دا و وتی: "ئەگەر قەیومتان دادەنا، ئەوا بۆ هەڵبژاردنتان ئەنجامدا؟" دایکی پیر و باوکم لە دەرەوەی وڵاتەوە هێنا و دەنگیان دا. ئێمە ئەم نادادپەروەرییە قبوڵ ناکەین، ئەگەر بێدەنگ بن، ئەوا ئێوە شەیتانێکی بێ زمانن".
پاشان گوڵستان سۆنوک، هاوسەرۆکی شارەوانییەکە قسەی کرد و وتی: قەیوم دێتە ئێرە و دەڵێت هەموو پارەکەتم لە سیاسەتی جەنگدا خەرج کردووە، ئێمە پێمان وتوون پارەکەت بۆ چی خەرج دەکەیت، لە ماوەی تەواوی پرۆسەی هەڵبژاردندا یەک بە یەک گوتمان چی دەکەین. با ئێستا قەیوم بێتە ئێرە و پێی بڵێین چی دەکات. با بوترێت من بەشی ئێوە لە نان وەردەگرم. شتێکی وەها قبوڵ کراو نییە بڕیارێک بە ئەفسەرێک ڕابگەیەنیت... شتێک نییە بە ناوی بەکارهێنانی ئەفسەر بۆ هەموو تاوانەکانت. با ئەو خۆی بێت و بڵێت خەڵکی ئازیزی ئیلح، ٣ ملیارم قەرز کردووە بەبێ ئەوەی شەرم بکەم، ئەمەش بەشی نەکردم و ئێستا چاوم لەسەر قروشی گیرفانی ئێوەیە، ئێشتاش بۆ سەپاندنی ئەوە هاتووم.
"ئەمە شارەوانی ئێمەیە"
گوڵستان سۆنوک کاردانەوەی بەرامبەر بە گەمارۆدانی بینای شارەوانی نیشان دا و وتی: قەیومی ئیلح بە هێز و زرێپۆش و قەناس بەدەستەوە هێرشی کردووەتە سەر شارەوانی. هەروەها دەزانێت کە ئەمە ڕەوا نییە، هەر بۆیە سوپای پۆلیسی هێنا و بە زرێپۆش ئیرادەی شارەکەی لەناوبرد. ئێمە لێرە بانگی هەموو خەڵکی ئیلح دەکەین. بانگی ژنا و گەنجان و هەموو ڕەنجدەران دەکەین، ئەمە شارەوانی ئێمەیە، بە ڕێگەیەکی بەرزی دەنگدان خۆسەپێنی قەیوممان لە شارەوانییەکەدا ڕزگار کرد، ئێمە شار و شارەوانییەکەمان جارێکی تر ناخەینە بەردەستی تاڵانچی و دز و قۆرخکار بەجێناهێڵین و پێکەوە ڕزگاری دەکەین.
بەرخۆدانی خەڵک لە بەردەم شارەوانی بەردەوامە.