سلێمانی

 

درەنگانی شەوی ڕابردوو، ١١ی کانوونی دووەم، ژنێکی گەنج کە خوێندکارە و تەمەنی ١٧ ساڵە، بە ناوی "دیلان غەریب" لە شارۆچکەی حاجیاوای سنووری ئیدارەی ڕاپەڕین، بەشێوەیەکی گوماناوی گیانی لەدەستدا و دەوترێت کە "کۆتایی بە ژیانی خۆی هێناوە".

 

تا ئێستاش پۆلیسی ئیدارەی ڕاپەڕین هیچ ڕوونکردنەوە و زانیارییەکی لەو بارەیەوە بڵاونەکردووەتەوە، هەروەها لە ماوەى ١٢ ڕۆژی ساڵی ٢٠٢٣دا چوار ژن بە هۆکاری جیاواز کوژراون و بە گوماناوی خۆیان کوشتووە.

 

لەگەڵ ئەوەی بەردەوام باس لەوەدەکرێت کە بە ڕێگای جیاواز بەر لە کوشتنی ژنان بگیرێت و توندتیژی سەریان کەم بکرێتەوە، بەڵام دەبینین ڕۆژانە ژنان دەکوژرێن و ئازار دەدرێن، ئاماری ساڵانەش دەرخەری زیادبوونی ڕێژەی تاوانە بەرامبەر ژنان.