ناوەندی هەواڵ

 

ڕێکخراوی خۆراک و کشتوکاڵی نەتەوە یەکگرتووەکان-FAO، سندوقی دراوی نێودەوڵەتی، بانکی جیهانی، بەرنامەی خۆراکی جیهانی و ڕێکخراوی بازرگانی جیهانی بەیاننامەیەکی هاوبەشیان بڵاوکردەوە و داوایان کرد دەستبەجێ کار بۆ چارەسەرکردنی قەیرانی ئاسایشی خۆراکی جیهانی بکرێت.

 

لە راگەیەندراوەکەدا هاتووە: پەتای کۆرۆنا و پەککەوتنی زنجیرەی دابینکردنی نێودەوڵەتی و شەڕی ئۆکرانیا کاریگەری نەرێنی لەسەر بازاڕەکانی خۆراک و سووتەمەنی و زنجیرە کاڵاکان هەبووە.

 

لە بەیاننامەکەدا ڕێکخراوەکانی نەتەوە یەکگرتووەکان جەختیان لە دابینکردنی یەدەگ و دۆزینەوەی چارەسەرێکی دیپلۆماسی بۆ نەهێشتنی کەمیی خۆراک و هەناردەکردنی گەنم و دانەوێڵە کە ئێستا لە ئۆکرانیا لە ژێر گەمارۆدان، کردەوە، هەروەها داوای بەهێزکردنی تۆڕە ئەمنییەکان و ئاسانکاری بۆ بازرگانی و زیادکردنی بەرهەمهێنانیان کردووە.

 

بەپێی راپۆرتی بەرنامەی خۆراكی جیهانی، ژمارەی ئەو كەسانەی بەدەست نائاسایشی خۆراكەوە دەناڵێنن لە ٨٢ وڵاتدا تا مانگی تەمموزی ٢٠٢٢ گەیشتووەتە ٣٤٥ ملیۆن كەس.