ناوەندی هەواڵ

 

دوێنێ، ٢٦ی حوزەیران ئیبراهیم تاهیری، داواکاری گشتی و شۆڕشگێڕی شاری میناب لە پارێزگای هۆرموزگان، دەستگیرکردنی چوار ژنە گۆرانیبێژی ئەو شارەی ڕاگەیاند کە بە "گۆرانی وتن لە ئاهەنگی هاوسەرگیری"دا تۆمەتباری کردبوون.

 

داواکاری گشتی و شۆڕشگێڕی میناب ڕایگەیاند کە دۆسیەی ئەو چوار ژنە لەژێر لێکۆڵینەوەدایە و هەڕەشەی ئەوەی کرد کە ئەگەر ئەو دۆسیانە دووبارە بکرێنەوە خاوەنی ئاهەنگی هاوسەرگیرییەکە دەسبەسەر دەکرێت.

 

مامەڵەی ئەمنی لەگەڵ ژنانی گۆرانیبێژ لە ئێران مێژوویەکی دوور و درێژی هەیە و ژنانی چالاک لەم بوارەدا هەمیشە مەترسی دەستبەسەرکردن و سزادانیان لەسەرە، یەکێک لەو کەیسانە لە ساڵی ١٩٩٦دا بوو، کە دەزگای قەزایی کۆماری ئیسلامی بە تۆمەتی "گۆرانی نایاسایی" لە گوندی ئەبیانە حوکمی یەک ساڵ زیندانی بەسەر نیگار موعەزەم سەپاند.

 

هەروەها ٥ ئەندامی گروپی مۆسیقای ژنانی گلاریس لە شاری کرماشان بە تۆمەتی پێشکەشکردنی مۆسیقا لە تۆڕی کۆمەڵایەتیدا دەستبەسەرکران.