مەدینە مەمەدئۆغلو

 

ئامەد-  ٢٢ کەس لەوانە ٧ ژن و ٢٠ ڕۆژنامەنووس کە لە ڕۆژی ٨ی حوزەیراندا لە شاری ئامەد لە هەڵکوتانە سەر ماڵەکاندا دەستگیرکرابوون، دوو ڕۆژ پێش ئێستا بۆ شایەتیدان لە فەرمانگەی داواکاری گشتی گوازرانەوە بۆ بەردەم دادگا، ئەو ڕۆژنامەنووسانەی کە دوای هەشت ڕۆژ لە زیندانی تاکەکەسیدا ڕاگیرابوون، لێدوانەکانیان لە فەرمانگەی داواکاری گشتی وەرگیراوە، بەردەوام بوو، یەکێک لەو ٢٢ کەسەی کە لێدوانەکەی دراوەتە دادگا بە داواکاری ئازادکرا و ئەوانی دیکەشیان بە داواکاری دەستگیرکردن ڕادەستی دادگا کران، ١٦ لەو ڕۆژنامەنووسانەی کە لە دادگای دادوەری دادگاییکراون بە تۆمەتی "ئەندامبوون لە رێکخراوێک" دەستگیرکراون و ڕەوانەی زیندان کراون.

 

سەرنوسەری ئاژانسی هەواڵی ژن-ژن نیوز، بێریتان جانۆزەر ڕایگەیاند کە نازانرێت هاوڕێکانی لە کاتی پرۆسەی دەستبەسەرکردندا بە چی تۆمەتبار کراون، هەرچەندە هیچ بەڵگە و تۆمەتێک لە ئارادا نییە، بەڵام هاوڕێکانی بەهۆی کاری ڕۆژنامەوانی و گەڕانیان بەدوای حەقیقەتدا کراونەتە ئامانج.

 

بێریتان جانۆزەر لە بەیاننامەکەی دادگاکەدا باس لە هەواڵ و بەرنامەکانی ڕۆژنامەنووسان کراوە و وتی: دوێنێ لە دادگادا، لەو لێپرسینەوانەی لە هەڤاڵانمان کرا سەرسام نەبووین، کاری ڕۆژنامەوانی هەڤاڵانمان وەک تاوانێک پێشکەش کرا، سەبارەت بەو بەرنامانەی کە دروستیان کردوون و ئەو پرسیارانەی لە بەرنامەکاندا کراون پرسیارمان لێ کرا، ڕۆژنامەگەری کە هەموو چالاکییە ڕۆژنامەوانییەکانی تێدایە کۆدەبێتەوە، لە هیچ شوێنێکی جیهان وەک تاوان دانەنراوە،  بەڵام بەداخەوە لەم وڵاتەدا وەک هەمیشە ئێمەی گەیاندە ناو ئەم پرۆسەیە وەک تاوانێک سەیری کارەکانمان بکرێت".

 

"ئێمە باوەش بۆ کارەکانمان دەکەینەوە"

ڕۆژنامەوان جەیلان ئاکباشلی ئەوەشی خستەڕوو، کە ئەوان باوەش بە کارەکانیاندا دەکەن و لە جیاتی هاوڕێ دەستگیرکراوەکانیان زیاتر کار دەکەن، وتیشی: ١٦ هەڤاڵمان بەبێ هیچ بەڵگەیەک دەستگیرکران، دەسەڵات دەیانەوێت ڕاستیەکان نەگەنە خەڵک و ئەوەی ئەنجامی دەدەن نەبینرێت، چاپەمەنی ئازاد ساڵانێکە کار دەکات تا ئێستا شایەتی چەندین ئەشکەنجە و زیندان و هەموو جۆرە زوڵم و ستەمێک بوونەتەوە، بەڵام لە گەڕان بەدوای ڕاستییەکاندا وازیان نەهێناوە، نەک تەنها ١٦ هاوڕێمان، ئەگەر هەمووشیان بگرن واز لە نووسینەکانمان ناهێنین، هەموو ڕۆژێک زیاتر و زیاتر کار دەکەین.

 

ڕۆژنامەنووسان دەستگیردەکەن تا نەبینرێت چی بەسەر گەلی کورددا دێت

موشەهەر ئولکەر، دایکی ئاشتی وتی: ڕۆژنامەنووسانی کورد دەستبەسەر دەکرێن بۆ ئەوەی ڕاستییەکان نەخرێنە بەرچاو، ئەوەی هەموو ئەشکەنجە و چەوساندنەوەی گەلی کورد لە سەرتاسەری جیهاندا بڵاو دەکاتەوە ڕۆژنامەگەری ئازادە، بۆ شاردنەوەی ئەوەی بەسەر گەلی کورددا دێت بەم شێوەیە هێرش دەکاتە سەر ڕۆژنامەنووسان، ڕۆژنامەنووسانی کورد هەموو پێشێلکارییەکانی مافی مرۆڤ لەو وڵاتەدا ئاشکرا دەکەن و هیچ کەسێکی دەرەوەی ئەوان ئەو کارە ناکات ،ڕۆژنامەگەری ئازاد دەنگی گەلی کورد و حەقیقەتە، هیچ هێزێک ناتوانێت هێزی ئەوان کەمبکاتەوە، هەڤاڵانمان بەردەوام دەنووسن و دەبنە دەنگی خەڵک.