ناوەندی هەواڵ

 

ئاژانسی هەواڵی میزۆپۆتامیا بڵاویکردەوە، لە لە ٢٤ کاتژمێری ڕابردوودا لە شاری خارپێت "ئەلازیغ" لە باکووری کوردستان سێ ژن کوژراون، دوای ڕەوانەکردنیان بۆ پزیشکی داد و بنکەی تەندروستی دەرکەوتووە کە لە لایەن خزم و  کەسوکاری خۆیانەوە کوژراون.

 

کوژراوەکانیش یەکێکیان ناوی " واحیدە دەوران" کە تەمەنی ٥١ ساڵ بووە، لە لایەن برایەکی خۆیەوە کوژراوە، کوژراوێکی تریان کە تەرمەکەی لە شوێنی کۆکردنەوەی خۆڵ و خاشاک دۆزراوەتەوە، ناوی"حوسنیە کەسکینباش" کە تەمەنی ٢٩ ساڵ بووە، لە لایەن دەستگیرانەکەیەوە کوژراوە.

 

کوژراوی سێیەم ناوی "یاسەمین"ە لە لایەن پیاوەکەیەوە کوژراوە و پیاوەکەشی هەڵهاتووە، داوی ئەوەی یاسەمین خۆی و کچەکەی بریندار دەکات، یاسەمین بە هۆی سەختی برینەکەیەوە گیان لەدەست دەدات.

 

ڕۆژانە توندوتیژییەکان و کوشتنی ژنان لە باکووری کوردستان ڕوو لە زیادبوونەوە دادگا و یاساش لە بەرژەوەندی ژناندا نین و تاوانباران بە سزای خۆیان ناگەیەندرێن.