سیستمی تەندروستی غەززە بەرەو ڕووخان دەڕوات
لە ٢٢٠هەمین ڕۆژی شەڕی نێوان بزوتنەوەی حەماس و هێزەکانی ئیسرائیل، لەم دواییانە پەیوەندییەکان لەگەڵ کەمپی جەبەلیا لە باکووری کەرتی غەززە بە تەواوی پچڕاند، ئەمە جگە لەوەی بۆردومانەکانی کەمپەکە چڕتر کردەوە.
ناوەندی هەواڵ
دوای ئەوەی هێزەکانی ئیسرائیل فەرمانی چۆڵکردنی غەززەیان پێدرا، جارێکی دیکە هەزاران خەڵکی غەززە ناچاربوون لەژێر بۆردومانێکدا لە باکوور و ناوەندی کەرتەوە هەڵبێن.
هەر بەو هۆیەش وەزارەتی تەندروستی لە غەززە، هۆشداریدا لە داڕمانی سیستەمی تەندروستی لە کەرتی غەززە لە ماوەی چەند کاتژمێرێکدا بەهۆی کەمی سووتەمەنی، ئەمەش لە ژێر ڕۆشنایی ئەو هێزە ئیسرائیلیانەی کە هاتنە ژوورەوەی یارمەتییە مرۆییەکان سنووردار دەکەن.
هەروەها دەزگای فریاگوزاری نەتەوە یەکگرتووەکان بۆ پەنابەرانی فەڵەستین UNRWA ڕایگەیاندووە لە ماوەی هەفتەی ڕابردوودا، نزیکەی ٣٦٠ هەزار کەس لە ڕەفەح لە باشووری غەززە هەڵاتوون، لەو کاتەوەی کە فەرمانی چۆڵکردنی پەنابەرانی ئیسرائیل هەفتەیەک لەمەوبەر لە لایەن هێزەکانی ئیسرائیلەوە دەرچووە وەک ئامادەکارییەک بۆ دەستپێکردنی هێزی سەربازی ئۆپەراسیۆنەکە.