ناوەندی هەواڵ

 

لەگەڵ زیادبوونی سنووردارکردنی ژنان لە لایەن تالیبانەوە، ژنانی ناڕازیی باغلان لە شوێنێکی داخراودا کۆبوونەوە و داوای دانپێدانانی "ئاپارتایدی جێندەری"یان لە ئەفغانستان کرد.

 

ئەم ژنە ناڕازییانە، وێڕای ناڕەزایەتی دەربڕین بەرامبەر بە سیاسەتی سەرکوتگەرانە و "دژە ژن"ی تالیبان، ڕایگەیاند کە ئەم گرووپە نە حکومەت ؛ بەڵکو "تاوان" ئەنجام دەدات.

 

ئەم خۆپیشاندەرانە، بە جەختکردنەوە لەسەر مافی خوێندنی ژنان، سەبارەت بە لێکەوتەکانی داخستنی قوتابخانە و زانکۆکان بۆ ژنان، ڕایانگەیاند: قوتابخانە داخراو، ئایندەی داخراوە.

 

ژنانی ناڕازی بەغلان دواجار داوای دانپێدانانی "ئاپارتایدی جێندەر" و کردنەوەی قوتابخانە و زانکۆکانیان بەڕووی ژنان کرد.

 

لە کاتێکدا تالیبان سنووردارکردنی نوێ بەسەر ژناندا دەسەپێنێت و سەرەڕای داواکارییە دووبارە و زۆرەکانی ژنانی ئەفغانی بۆ کۆمەڵگەی نێودەوڵەتی بۆ لێپرسینەوە لە تالیبان لە بەرامبەر سیاسەتەکانی بۆ سنووردارکردنی ژنان، دامەزراوە و ڕێکخراوە نێودەوڵەتییەکان بێدەنگن.