ناوەندی هەواڵ

 

ئەنجامی ھەڵبژاردنی شارەوانییەکانی کامپی مەخموور، کە دوێنێ بەڕێوەچوو، ڕاگەیەندرا و بە پێی دەرئەنجامی دەنگدان، فاتمە هیلالی و عەدبان عەبدوڵا یڵماز بوونە هاوسەرۆکی شارەوانی، کە لە نێوان چوار هاوسەرۆکی شارەوانی و ٢٠ ئەندامی ئەنجومەن لە کێبڕکێدا بوون.

 

لەو هەڵبژاردنەدا کە ٤ هەزار و ٣٣٦ کەس چوونە سەر سندوقەکانی دەنگدان، فاتمە هیلالی هەزار و ٩٨٩ و نزار حاجی تەتەر نەرخی هەزار و ١٥٢ دەنگی بەدەستهێنا، عەدبان عەبدوڵا یڵماز ٢ هەزار و ٣١٢ دەنگ و جەمیل محەمەد ڕەپینی هەزار و ١١٣ دەنگی بەدەستهێنا.

 

دوای کۆتایی هاتنی هەڵبژاردن و هەژمارکردنی دەنگەکان، هادی ئەکێتی، لەسەر ناوی کۆمسیۆنی باڵای هەڵبژاردنەکانی کامپەکە لێدوانێکی دا و لە سەرەتای قسەکانیدا وتی: سیستەمی نەتەوە دیموکراتیی تا ئەمڕۆش بەردەوامی پێدراوە، بۆیە ئێمە سوپاسی خەڵکی کامپەکەمان دەکەین.

 

لە نێو ئەنجومەنەکاندا ئەوانەی زۆرترین دەنگیان هەیە بەم شێوەیەن:

سدیق حێسن هیلالی ١٢٠٥، سەلمان مەحمود شوێدی ١١٩٠، سۆزدار محمد تاهیر هیلالی ١٠٧٠،  بەهار ساڵح بلەهی ١٠٥٩، سەبری ئەحمەد مجینی ١٠٣٩، جەوهەر جندی نێروەهی ١٠٣٤ و لەیلا عەبدوڵا چەلی ٩٩١ دەنگیان بەدەستهێناوە.