ناوەندی هەواڵ

 

بەرنامەی خۆراکی جیهانی نەتەوە یەکگرتووەکان "BFP" هۆشداری دەدات لەوەی، قەیرانی برسێتی لە سودان خراپتر دەبێت، ئەگەر یارمەتییەکان لە ڕێگەی ڕێڕەوە مرۆییەکانەوە دابین نەکرێت.

 

" قەیرانێک دەبینین کە تا ئێستا نەبینراوە"

ئێدی ڕۆو، نوێنەری بەرنامەی خۆراکی جیهانی لە سودان بۆ ئاژانسی هەواڵی ئەڵمانی شەرق وەسەت وتوویەتی: دەترسم لەم وەرزە وشکەدا ئاستێکی چاوەڕواننەکراوی برسێتی ببینین و ئەم دۆخە سودان وێران بکات، ڕاگرتنی کاتی ڕێڕەوی مرۆیی بەناو چاد و هەروەها پێکدادانە بەردەوامەکان و ڕێگەدان بە ڕێوشوێنەکان بۆ پێداویستییە مرۆییەکان و بەربەستە بیرۆکراتییەکان و هەڕەشە ئەمنییەکان مەحاڵە بۆ کارمەندانی مرۆیی لەو ئاستەدا کاربکەن کە پێویستە بۆ دابینکردنی پێداویستییەکانی برسێتی لە سودان.

 

"پێویستمان بە دڵنیاییە بۆ دابەشکردنی خۆراک"

ئێدی ڕۆو ئاماژەی بەوەشکرد، هەموو ڕێڕەوەکانی گواستنەوەی خۆراک، بەتایبەتی ڕێڕەوی ئەدرێ لە چاد بۆ ڕۆژئاوای کاردیف، کە ئاستی برسێتی تێیدا مەترسیدارە، دەبێت بە کراوەیی بمێنێتەوە و پێویستە بەرنامەی خۆراکی جیهانی و هاوبەشەکانی چارەسەرێک بدۆزنەوە بۆ ئەوانەی لە باکوری کاردیف هەوڵ دەدەن ڕۆژانە جارێک نان بخۆن و بەپەلە پێویستیان بە ئاسایش هەیە.

 

٢٥ ملیۆن کەس پێویستیان بە یارمەتی مرۆییە

بەپێی ئامارەکانی نەتەوە یەکگرتووەکان؛ نیوەی دانیشتووانی سودان، کە نزیکەی ٢٥ ملیۆن کەسن، پێویستیان بە یارمەتی و پاراستنی مرۆیی هەیە، نزیکەی ١٨ ملیۆن کەس ڕووبەڕووی نەبوونی ئاسایشی خۆراک دەبنەوە، پێکدادانەکانی نێوان سوپای سودان و هێزەکانی پشتیوانی خیرا لە ١٥ی نیسانی ٢٠٢٣ەوە بەردەوامە. لە ئەنجامی شەڕەکاندا، نزیکەی ٨.١ ملیۆن کەس ئاوارە بوون و ٦.٣ ملیۆن کەسیش لە وڵاتەکەدا ماونەتەوە.