لە تەقینەوەی بۆمبێکدا لە کەرکوک دوو منداڵ برینداربوون
لە باشووری كەركوك بۆمبێكی چێنراو تەقییەوە و لە ئەنجامدا دوو منداڵ بریندار بوون.
ناوەندی هەواڵ
پۆلیسی كەركوك ڕایگەیاندووە، دوو منداڵی تەمەن ١٣ ساڵ و ١٥ ساڵ، بەهۆی تەقینەوەی بۆمبێكی چێنراو پێیاندا بریندار بوون.
ئاماژە بەوەشكراوە، لە سنووری شارەدێی ڕەشادی باشووری كەركوك ڕووداوەكە ڕوویداوە، هەردوو منداڵەكە برای یەكن و شوانكارن
دوای ڕووداوەكە منداڵەكان ڕەوانەی نەخۆشخانەی كەركوك كراون بۆ وەرگرتنی چارەسەری پێویست.
گوندەكانی باشووری كەركوك، چەند ساڵێك شوێن و مۆڵگەی چەتەكانی داعش بوون، لەدوای شکستهێنانیان هێشتا بوونی بۆمبە چێندراوەکان مەترسیین بۆ سەر ژیانی هاوڵاتیانی ئەو ناوچانە.