بە گرتەیەکی ڤیدیۆیی توندوتیژی پیاوانی نیشاندا؛ بەهار خۆی کوژرا
بەهار هەزەر، بەڕێوەبەری ژووری ئەندازیارانی شارستانی لە شاری ڕەحا لەلایەن یەکتا هەزەری برایەوە کوژرا.
ڕەحا
بەرپرسانی حکومەت ڕێوشوێنی پێویست ناگرنەبەر بەرامبەر زیادبوونی کۆمەڵکوژی ژنان لە تورکیا، ژنان ڕۆژانە لەلایەن پیاوانەوە دەکوژرێن بەهۆی هەردوو بڕیاری دادوەری و ئەو کۆمەڵکوژییانەی سەر ژنان کە حکومەت پشتگوێی دەخات.
لە ناوچەی قەرەکۆپروی سەر بە ڕەحا باکووری کوردستان، پیاوێک بە ناوی یەکتا هەزەر بە چەکی ئاگرین بەهار هەزەری خوشکی، کە بەڕێوەبەری لقی ڕەحای ژووری ئەندازیارانی شارستانی- IMOبوو، کوشت.
دوای ڕووداوەکە بکوژەکە لە ناوچەیەکی قەرەکۆپرو دەستبەسەرکرا و تەرمی بەهار هەزەر گەیەندرایە پزیشکی دادی ڕەحا.
بەهار هەزەر کە لەلایەن براکەیەوە کوژراوە، لە ٢٥ی تشرینی دووەم، ڕۆژی بەرەنگاربوونەوەی توندوتیژی دژی ژنان، ڤیدیۆیەکی لەسەر توندوتیژی پیاوان دژی ژنان تۆمارکردووە.