ناوەندی هەواڵ

 

پۆلیسی وڵاتی هیندستان ڕایگەیاند، تەرمی دوو خوشکەکە پاشنیوەڕۆی ڕۆژی چوارشەممە لە ناوچەی لاخیمپور دۆزراونەتەوە، لێکۆڵینەوەکانی پۆلیس لەسەر حاڵەتی کوشتنەکە دەستپێکردووە دوای ئەوەی ئەو خێزانە دەڵێن کچەکانیان ڕفێنراون و دەستدرێژییان سێکسیان کراوەتەسەر.

 

هەروەها پۆلیس ئەوەشی ڕاگەیەندراوە، کە شەش پیاو لەسەر تاوانەکە بەتۆمەتی دەستدرێژی و کوشتن دەستگیرکراون و تەرمی خوشکەکانیش بۆ پشکنین نێردراون، کە ئەو دوو خوشکە تەمەنیان خوار ١٨ ساڵەو، ئەم کەیسەش ناڕەزایی خەڵکی ناوخۆ و لایەنە ئۆپۆزسیۆنەکانی لێکەوتووەتەوە.

 

دایکی ئەو دوو خوشکە وتویەتی کە کچەکانی لەلایەن ماتۆڕسکیلێکەوە ڕفێندراون و کاتێک ویستویەتی ڕایانبگرێت هێرش کراوەتەسەری، خێزانەکە ئاماژەیان بەوەکرد کە ئەوان دەستیان کرد بە گەڕان بە دوای کچەکان و لە کۆتایدا ئەوانیان دۆزییەوە کە بە دارێکەوە هەڵواسرابوون.

 

حاڵەتەکانی کوشتن و دەستدرێژی سێکسی بۆ سەر ژنان لە وڵاتانی جیهان بەردەوام لە زیادبووندایە و هیندستانیش یەکێکە لەو وڵاتانای کە ژنان تیایدا سەلامەت و پارێزراو نین و ڕووبەڕووی توندوتیژی دەبنەوە.

 

ئۆتار پرادیش، لە باکووری هیندستان، پڕ ئاوەدانترین ناوچەی ئەو وڵاتەیە کە زیاتر لە ٢٠٠ ملیۆن کەسی تێدا دەژی و تۆماری توندوتیژی دژ بە ژنان ڕێژەیەکی بەرزی هەیە کە تەنانەت خێزانەکانیش ناتوانن کچەکانیان بپارێزن.