مونا تۆکا

 

لیبیا- یەکێتی ژنان لە شاری سەبهای لیبیا، هەڵمەتێکی جیهانی بۆ بەرەنگاربوونەوەی توندوتیژی دژی ژنان لە ٢٥ی تشرینی دووەەمەوە دەستپێکرد و تا ١٠ی کانوونی دووەم بەردەوامە. ئەمیرە نوری، بەرپرسی چالاکی و بەرنامەکانی یەکێتی ژنان باسی لە هەڵمەتەکە کرد و وتی: ئامانجمان هۆشیارکردنەوەیە لەسەر کەیسەکانی توندوتیژی دژی ژنان و بەرەنگاربوونەوەی توندوتیژییە، کە چالاکی جیاواز ئەنجام دەدرێت و هۆشیاری یاسایی و کۆمەڵایەتی دەخرێتەڕوو.

 

پشتگیری یاسایی بۆ ئەو ژنانە بەردەستە کە ڕووبەڕووی توندوتیژی دەبنەوە

ئەمیرە نوری باسی لەوەکرد، سەرەتا هەڵمەتەکەیان لەسەر پێناسەکردنی ئەو ژنانە بووە کە جۆرە جیاوازەکانی توندوتیژییان ڕووبەڕوو بووەتەوە، وتیشی: کارەکانمان کۆچبەران و ئاوارەکانیش دەگرێتەوە، هەوڵ دەدەین ئاگاداریان بکەینەوە لە مافەکانیان و تەنانەت ئەگەر ڕووبەڕووی توندوتیژیش ببنەوە خزمەتگوزارییان پێشکەش دەکەین، بۆ بڵاوکردنەوەی هەڵمەتەکەش پشت بە تۆڕەکانی میدیای دیجیتاڵی دەبەستین.

 

لەلایەکی دیکەشەوە ئەمیرە باسی لە سەختییەکانی بەردەم ئەو هەڵمەتە کرد و وتی: داب و نەریت و چەشنە چەقبەستووەکان لە کۆمەڵگەدا چەمکی توندوتیژی دژی ژنانی بەهێزتر کردووە، تەنانەت ئەگەر دووریش بن لە ڕێنمایی ئایینی. جگە لەمەش هەندێک لە ژنان گرنگیی کۆبوونەوە و هەڵمەتەکانی توندوتیژی دژی ژنان نازانن و ئامادەیی هەڵمەتەکان نابن.