ناوەندی هەواڵ

 

ئەکادیمیای ئەمریکیی پزیشکانی منداڵان "AAP" ڕایگەیاند، ئەو منداڵانەی هەفتانە دوو جار لە ژینگەی پارک و گۆڕەپانە کراوەکاندا وەرزش و یاری دەکەن کەمتر تووشی دڵەڕاوکێ و ناڕێکییە دەروونییەکان دەبن.

 

پزیشک مۆنیک جۆنا سۆیلۆ، پسپۆڕی نەخۆشییەکانی منداڵان لە کۆمەڵەکە ئاماژەی بەوەکرد، منداڵان حەز بە یاریکردن لە ناوچەی کراوە دەکەن و سوودی بۆ لایەنی دەروونی و جەستەیی منداڵ دەبێت.

 

ڕینمایی دایکان و باوکان دەکات و وتویەتی: ئەو منداڵانەی پێیان نەگرتووە دەکرێت بە عەرەبانە بەناو دارستان و پارکەکاندا پیاسەیان پێبکرێت، لەپێناو ئەوەی ئاشنابن بە دەنگی باڵندەکان، بۆنی گەڵا و گوڵەکان.