بە دروشمی "ژن، ژیان، ئازادی" گۆڤاری ئاسۆی ژنان یەکەم ژمارەی خۆی بڵاودەکاتەوە
گۆڤاری ئاسۆی ژنان لەژێر دروشمی "ژن، ژیان، ئازادی"، لە سەرتاسەری باکور و ڕۆژهەڵاتی سوریا دەستی بە بڵاوکردنەوەی یەکەم ژمارەی خۆی کرد.
قامیشلۆ
گۆڤاری ئاسۆی ژنان یەکەم ژمارەی خۆی بە ناوەڕۆکێکی هەمەچەشن و جیاوازەوە بڵاوکردەوە کە نووسین و شیعرەکانی ژنانی باکوور و ڕۆژهەڵاتی سوریا لەخۆدەگرێت.
گۆڤاری ئاسۆی ژنان، گۆڤارێکی فکری و سیاسی و ڕۆشنبیرییە، کە هەر دوو مانگ جارێک ژمارەکەی بەناوی ژنان لە باکور و ڕۆژهەڵاتی سوریا بڵاودەکرێتەوە، لە یەکەمی مانگی یەکی ساڵی ڕابردوودا دامەزرا.
ئەمڕۆ چوارشەممە، بە پێی بەڵگەنامەی ژمارە ٣ کە لە ٨ی ئاداری ٢٠٢٣ دراوە، یەکەم ژمارەی گۆڤارەکە، کە مۆڵەتی ئەنجومەنی باڵای ڕاگەیاندنی ئیدارەی خۆسەری دیموکراتی لە ناوچەی جزیرە لە باکوور و ڕۆژهەڵاتی سوریای پێدراوە، بڵاوکرایەوە.
گۆڤارەکە تەوەری جۆراوجۆر و چەندین بەش لەخۆدەگرێت، لەوانە ئاسۆی ئازاد، فایلی پرس، ئاسۆی فیکری، دیالۆگی پرس، دیدگای سیاسی، دەنگدانەوەی ڕۆح، چرپەی شیعر، چالاکی و ڕووداوەکان، گۆڤاری ئاسۆی ژنان لە سەرانسەری باکور و ڕۆژهەڵاتی سوریا دابەش دەکرێت و دەگاتە هەموو ژنان.