ناوەندی هەواڵ

 

ئانا قابیلی دوبا، ٣١ ساڵ خاوەنی بڕوانامەی ماستەرە لە بەشی پەتاناسی و دامەزراوەیەکی خێرخوازی دامەزراندووە بە مەبەستی بەهێزکردنی توانای ژنان و فێرکردنی ژنان و منداڵان لە شاری مارسابیتی وڵاتی کینیا.

 

لە قوتابخانەیەکدا لە گوندەکەیدا، ئانا قابیلی دوبا دایک و باوکان هۆشیار دەکاتەوە دەربارەی کێشە سەرەکیەکانی تەندروستی سێکسی و زیانەکانی خەتەنەکردنی مێینە و زیانەکانی هاوسەرگیری لە تەمەنی منداڵدا، لە بارەی خەتەنەکردنی ژنانەوە دەڵێت: باسکردنی خەتەنەکردنی مێینە بە گشتی ئاسان نییە. لەبەر ئەوەی من ژنم و لە کۆمەڵگەیەکی پیاوسالاریدا دەژیم، بەڵام هەموو هەوڵێک دەدەم تا بەرگری لە ژنان بکەم.

 

لەسەر داکۆکییەکانی لەسەر مافەکانی ژنان، ئانا لە شاری دوبەی، خەڵاتێکی ٢٥٠ هەزار دۆلاری لە بواری پەرستاریدا پێبەخشرا.