ناوەندی هەواڵ

 

دەوڵەتی تورکیا لە شەوی ٢٣ی کانوونی دووەمەوە بە فڕۆکەی بێفڕۆکەوان تۆپبارانی دامەزراوە وزەییەکان و ناوچە خزمەتگوزارییە گشتیەکانی باکوور و ڕۆژهەڵاتی سووریا دەکات، کە بە هۆیەوە ٤ هاوڵاتی گیانیان لەدەستدا و ٩ هاوڵاتی بریندار بوون.

 

دەوڵەتی تورکیا هێرشی کردە سەر چاپخانەی سیماڤ و کارمەندێکی ژنی چاپخانەکە بە ناوی بێریڤان زوبێر، تەمەن ٣٠ ساڵ گیانی لەدەستدا، هەروەها وەرشەیەکی دروومان و ناوچەی پیشەسازی ئۆتۆمبێل و سێ جار وێستگەی شەمەندەفەر و ناوەندی سەرچاوەکانی قامیشلۆ بۆردوومان کراون، بەپێی زانیارییە سەرەتاییەکان لە ئەنجامی ئەو هێرشانەی کە تا ئێستا بەردەوامن، ٧ هاوڵاتی لە ٦ ناوچە بە سەختی بریندار بوون.

 

دوو گوند لە کانتۆنی عەفرین- شەهبا تۆپباران کران

لە کانتۆنی عەفرین-شەهبا دەوڵەتی تورکیا گوندەکانی بیرچقاس و میاسەی سەر بە ناوچەی شێراوای بۆردوومان کرد، هاوکات سەرلەبەیانی ئەمڕۆ دەوڵەتی داگیرکەری تورکیا دوکانێکی چاککردنەوەی ئۆتۆمبێلی لە سەنتەری شاری کۆبانێ تۆپباران کرد و لە ئەنجامی ئەو هێرشەدا ٢ کرێکار بریندار بوون.