ناوەندی هەواڵ

 

ئێوارەی دوێنێ، ١٢ی کانوونی دووەم تەقینەوەی یەکێک لە ناوچەکانی نیشتەجێبوون لە شاری بۆکان لە ڕۆژهەڵاتی کوردستان، ٦ هاوڵاتی گیانیان لەدەستدا کە دوو ژن، دوو منداڵ و دوو پیاون، ٣ هاوڵاتیی دیکەش بریندار بوون.

 

تەقینەوەکە لە شەقامی وەرزشی بۆکان ڕوویدا، خانوویەکی نیشتەجێبوون بەتەواوی ڕووخا و ٦ هاوڵاتی گیانیان لەدەستدا و ٣ هاوڵاتیی دیکەش برینداربوون، بریندارەکان ڕەوانەی ناوەندە پزیشکییەکان کراون. بەپێی لێکۆڵینەوە سەرەتاییەکان، بەرپرسی ئاگرکوژێنەوەی بۆکان ڕایگەیاندووە، سەرچاوەی تەقینەوەکە دزەکردنی غازی شار بووە.

 

لە ئەنجامی ئەم ڕووداوەدا یەکەیەکی بیناسازی بە تەواوی ڕووخا و زیاتر لە ٧٠% زیان بە دوو یەکەی نیشتەجێبوونی دیکەی دەوروبەری کەوتووە.