ناوەندی هەواڵ

 

ئەمڕۆ ٨ی حوزەیران، سوپای ئیسرائیل لە ڕێگەی پێنج فڕۆکەی جەنگی و چەندین تانک و تۆپهاوێژەوە بۆردوومانی چادری ئاوارەکان و نەخۆشخانەی شوهەداى لە ڕۆژئاوای شاری دیربەلح کە دەکەوێتە ناوەندی غەززە کردووە.

 

بە پێی زانیارییەکان زۆرینەى دانیشتووانى ئەو ناوچەیە ژن و منداڵن، ئەمەش دەیسەلمێنێت لە جەنگ و هێرشەکاندا ژنان و منداڵان زیانی سەرەکیان بەردەکەوێت.

 

وەزارەتی تەندروستی غەززەش بڵاویکردەوە، بەهۆی ئەو هێرشانەوە ژمارەیەکی زۆر هاوڵاتی گیانیان لەدەستداوە و بریندارێکی زۆریش هەن کە ڕێژەی زۆرینەیان ژن و منداڵن.