ناوەندی هەواڵ

 

ژمارەی نۆیەمی "بوڵتەنی گۆشەگیری" کە هەر ١٥ ڕۆژ جارێک لەلایەن کۆمەڵەی پارێزەران بۆ ئازادی "OHD" ئامادە دەکرێت، بڵاوکرایەوە.

 

لە بوڵتەنەکەدا ئاماژە بەوەکراوە، ماوەی سێ ساڵ و ٦ مانگ و ١٧ ڕۆژە هیچ زانیارییەک لە ڕێبەری گەلی کورد عەبدوڵا ئۆجالان و زیندانیانی دیکەی حامیلی یەڵدرم، وەیسی ئاکتاش و ئۆمەر خەیری کۆنار لە زیندانی ئیمرالی لە جۆری F ی ئەمنیەتی باڵا دەست نەکەوتووە، ٢٤ساڵ و ٧ مانگ و ٢٨ ڕۆژە لە ئیمرالی گۆشەگیری جێبەجێ کراوە، چوار  ساڵ و 7 مانگ و ١٠ ڕۆژە بنەماڵەکان نەیانتوانیوە کۆببنەوە، پارێزەران بۆ ماوەی ٥ ساڵ و دوو مانگ و ١٦ ڕۆژ نەیانتوانیوە کۆببنەوە.

 

لە بوڵتەنەکەدا بەیاننامەی ئۆهەدە و سەدان پارێزەر داوایان لە دادگای دەستووری کرد کۆتایی بە پێشێلکارییە سیستماتیک و جددییەکانی مافەکان لە ئیمرالی بهێنێت.