ناوەندی هەواڵ

 

بەسێ هۆزات، هاوسەرۆکی کۆنسەی بەڕێوەبەریی کەجەکە، کە پێشەنگایەتی مەراسیمی چەک لەناوبردنی گرووپی ئاشتی و کۆمەڵگەی دیموکراتیکی کرد کە لە ٣٠ کەس پێکهاتن و لە ١١ی تەمووز لە ئەشکەوتی جاسەنەی سنووری سلێمانی مەراسیمەکەیان ئەنجامدا؛ دەربارەی مەراسیمەکە قسەی بۆ "Numedya24" کرد.

 

"بەبێ دوودڵی هاتین"

بەسێ هۆزات وتی: "بەپێداگرییەکی ڕوونەوە هاتین. ئێمە دەزانین بۆ چ شتێک لێرەین. ئەم هەنگاوەمان هەڵوێستێکی سیاسییە، ئەم هەنگاوانە بەگوێرەی بانگەوازی ٢٧ ی شوباتی ڕێبەر ئاپۆ دەنرێن، لەلایەن بەڕێوەبەرییەوە هیچ دوودڵییەک نییە.

 

"بۆ چارەسەری دیموکراتیک هەنگاومان نا"

بەسێ هۆزات ڕایگەیاند بڕیاری چەکدانان نیشاندانی نیازپاکییە و دەبێت ئەم هەنگاوە بێ وەڵام نەمێنێت وتی: ئێمە نامانەوێت تەنها بە دابەزین لە چیاکان جێدەستی خۆمان دابنێین. دەمانەوێت لە ئامەد و ئەنقەرە و ئیستەنبوڵ، ببینە پێشەنگی سیاسەتی دیموکراتیک. هەڵوێستەکانی ئێستەی دەوڵەت، ئەم گواستنەوەیە قورس دەکات.

 

"چیتر چەکەکان بەربەست نین"

بەسێ هۆزات دەربارەی سووتاندنی چەکەکان وتی: بۆ تەڤگەرێک کە بانگەوازی سیاسەتی دیموکراتیک دەکات، چیتر چەکەکان بەربەست نین. ئێمە دەمانەوێت بە جددییەت و بەرپرسیارێتییەوە ئەم بەربەستانە لاببەین، پرۆسەی ئاشتی بە تاک لایەنە نابێت.

 

"ئێمە فیداکارییمان نیشاندا، ئێستە چاوەڕێی هەنگاوین"

بەسێ هۆزات ڕایگەیاند بۆ بەڕێوەچوونی پرۆسەکە ئەوەی لەدەستیان هاتووە کردوویانە و فیداکارییان نیشانداوە، وتی: ئیتر نۆرەی لایەنی بەرامبەرە. ئێمەی چاوەڕێی هەنگاونانین، هەڵوێستی دەوڵەت یەکلاکەرەوەیە بۆ بەردەوامیی پرۆسەکە.

 

'جلوبەرگەکەم، ناسنامە سیاسییەکەم دەردەخات'

بەسێ هۆزات سەبارەت بە پرسیاری "بۆچی جلوبەرگەکەت لە گەریلاکانی تر جیاواز بوو"، وتی: من وەک نوێنەری تەڤگەرێکی سیاسی بەشداری مەراسیمەکە بووم. بۆیە جلوبەرگێکی جیاوازم هەڵبژارد. من نوێنەرایەتی ئەرکی هاوسەرۆکایەتی کەجەکە دەکەم.