بەرچەم جودی

کۆبانێ- ڕێبەری گەلی کورد عەبدوڵا ئۆجالان لە ١٥ی شوباتی ١٩٩٩ لە ئەنجامی پیلانگێڕییەکی نێودەوڵەتیدا دەستگیرکرا و لەو کاتەوە لە زیندانی جۆری ئیمڕاڵی ئێف گۆشەگیرییەکی تووندی لەسەرە و لە هەموو مافەکانی بێبەشە، کۆبوونەوەکان لەگەڵ خێزان و پارێزەران داخراون پارێزەرانی ڕێبەر ئاپۆ لە ڕۆژی ٧ی ئەیلولدا جارێکی دیکە داوای داواکاری گشتیی بورسایان کرد، بۆ بینینی موەکیلەکەیان، بەڵام جارێکی تر کۆبوونەوەکە ڕەتکرایەوە جێگای ئاماژەیە، کە دوایین جار لە ١٥ی ئازاری ئەمساڵدا بە تەلەفۆن قسەی لەگەڵ براکەی کرد و پێش کۆتاییهێنانی وتارەکە تەلەفۆنەکە پچڕا.

 

سەبارەت بە گۆشەگیریی سەر ڕێبەری گەلی کورد عەبدوڵا ئۆجالان، ئەو خەباتکارانەی لە میتینگەکانی گەلی کۆبانێ-باکور و ڕۆژهەڵاتی سوریا کار دەکەن، مانا و گرنگی ڕێبەر ئاپۆیان لە ژیانیاندا خستەڕوو.

 

"بە جێبەجێکردنی داواکارییەکانی ڕێبەر ئاپۆ پیلانگێڕییەکە بەتاڵ دەکەینەوە"

ئەمیرە شاهین، جێگری سەرۆکی ئەنجومەنی ناوچەی کۆبانێ، باسی لەو ڕێگایانە کرد کە کۆمەڵگای نێودەوڵەتی چۆڵکرا و وتی: "ئەمڕۆ لەژێر چەتری فکر و هزری ڕێبەر ئاپۆدا دەژین و ئێمەش لە ڕێگەی ئەوەوە ڕۆڵی خۆمان لە بەڕێوەبردنی کۆمەڵگادا دەبینین،  ڕێبەر ئاپۆ دەیەوێت ژن بە کەسایەتییەکی ئازاد و سیاسی و زانا دروست بکات و ئەگەر ئەمە ڕووبدات کۆمەڵگایەکی دیموکراتی و ئەخلاقی و سیاسی دادەمەزرێت بۆیە ئەگەر هەموو ئەو خاڵانە جێبەجێ بکرێن، ئەوا دەتوانین پیلانگێڕیی سەر ڕێبەر ئاپۆ هەڵوەشێنینەوە و گۆشەگیری بشکێنین".

 

"ئێمە شایستەی باوەڕی ڕێبەر ئاپۆ دەبین"

غەزەلا میهۆ، ئەندامی کۆمیتەی کاروباری کۆمەڵایەتی ئەنجومەنی کانتۆنی کۆبانێ گۆشەگیریی هەڵسەنگاند و وتی: "گۆشەگیریی سەر ڕێبەر ئاپۆ لە ڕاستیدا لەسەر هەموو گەلی کوردە بۆیە ئێمە وەک خەڵک پێویستە لە شکاندنی ئەو گۆشەگیرییەدا ڕۆڵی خۆمان بگێرین، لە هەموو کات زیاتر پێویستە لە ڕێبازی ڕێبەرایەتیدا بژین ئەگەر خواست و ڕاستی ئایدۆلۆژیاکەی بە باشی بەکار بهێنین، ئەوا هەروەها دەتوانین ڕێبەرەکەمان لە زیندانی ئیمڕاڵی ڕزگار بکەین بە تایبەتی ئێمە وەک ژنان دەبێت تێکۆشانێکی بەهێزتر پیشان بدەین، چونکە کاتێک ڕێبەر ئاپۆ دەستگیرکرا، وتی من ئەم شۆڕشە دەدەمە ژنان بۆ بەردەوامبوون".

 

"ئەوە ڕووناکییە بەرەو ئازادی"

جەمیلە سلێمان، ئەندامی کۆمیتەی کاروباری کۆمەڵایەتی ئەنجومەنی کانتۆنی کۆبانێ، وتی: "ڕێبەر ئاپۆ مێشک و گیانێکە بۆ ئێمە،  ئەو یەکەم کەس بوو لە جیهاندا کە پرسی ئازادی ژن و کۆمەڵگای هاوبەش کرد، لێکۆڵینەوە و پێشنیار و هەڵسەنگاندنەکانی ڕێبەری ئاپۆ نەک تەنها بۆ ژنانی کورد بەڵکو بۆ هەموو ژنان بوو، ژنان ساڵانێکە بە کۆیلەی سیستەمی زاڵ و پیاوانی سێکسخوازن،  لەسروشتیترین مافەکانیان بێبەشن بەڵام لە سەدەی ٢١دا ئایدۆلۆژیای ڕێبەر ئاپۆ بوو بە هێزێک بۆ هەزاران ژن بۆ خەبات و تێکۆشان لە ڕۆژئاوای کوردستان یەکینەکانی پاراستنی ژن کە لە تێکۆشان و بەرخۆدانیاندا لەسەر ڕێبازی رێبەر ئاپۆ دامەزراوە، هێز و ویست و ڕاستی ژنانیان گەیاندە هەموو جیهان".