ناوەندی هەواڵ

 

 لە مانگی ئابی ٢٠٢١ تاڵیبان گەڕایەوە بۆ ئەفغانستان و دەسەڵاتی گرتە دەست و بە یاسا ژنان و کچانی ئەفغانستانی سنووردار کرد و لە مافی خوێندن و کار کردن و گەشت کردن بێبەشیانی کرد.

 

کەریم خان، داواکاری گشتیی دادگای تاوانی نێودەوڵەتی لاهای، سەبارەت بە دەستگیرکردنی دوو بەرپرسی تاڵیبان ڕایگەیاند، فەرمانی دەستگیرکردن بۆ هەیبەتوڵا ئەخوندزادە سەرکردەی گرووپی تاڵیبان و عەبدولحەکیم حەقانی سەرۆکی دادگای باڵای تاڵیبان دەرچووە.

 

وتیشی: بە تۆمەتی هەراسانکردنی کچان و ژنانی ئەفغانستان فەرمانی دەستگیرکردنەکە دەرچووە، کە بەرپرسن لە تاوانی دژ بە مرۆڤایەتی لەسەر بنەمای ڕەگەزیی.