ناوەندی هەواڵ

 

پەرتووکەکە له‌ سێ به‌رگ پێکهاتووه‌، سەرجەم لاپەڕەکانی ٢٢٠٠ لاپەڕەیە، چاپی یه‌که‌می به‌رگی یه‌که‌م له‌ ساڵی ٢٠١٧ دا بڵاوکرایه‌وه‌، دوای پێداچوونه‌وه‌یه‌کی ورد بۆ ئه‌و به‌رگه‌ و وه‌رگێڕانی هه‌ردوو به‌رگه‌که‌ی تر، هه‌رسێ به‌رگه‌که‌ پێکه‌وه‌ بڕیارە سبەینێ ٢١ی ئادار لە نەورۆزی قەندیل بڵاو دەکرێتەوە.

 

ژیان، کەسایەتی و تێکۆشانی  ساکینە جانسز"هه‌ڤاڵ سارا"، هه‌ڵگری کاریگه‌رییه‌کی به‌هێزه‌، هه‌ڵوێستی سه‌ربه‌رز و شه‌ره‌فمه‌ندانه‌ی، خۆشه‌ویستی بۆ مرۆڤ زۆر جیاوازه‌، هه‌نگاوه‌ پڕ له‌ ئیراده‌کانی، پشوودرێژییه‌که‌ی و شه‌ڕه‌کانی وایکردووه‌ بگات به‌و ئاسته‌ی ببێت به‌ یه‌کێک له‌و ژنه‌ به‌هێز و به‌توانایانه‌ی له‌ دامه‌زراندنی پارتی کرێکارانی کوردستاندا ڕۆڵی هه‌بێت و زیاتر له‌ سێ چاره‌کی ته‌مه‌نی و گیانی خۆی به‌ ئازادیی ژن و گه‌له‌که‌ی ببه‌خشێت.

 

ساکینه‌ ئیسماعیل جانسز "سارا" دوای نزیکەی ٤٠ساڵ له‌ ته‌مه‌نی پڕ له‌ تێکۆشان، له‌گه‌ڵ هەڤاڵانیدا‌ فیدان دۆغان "رۆژبین" و له‌یلا شایله‌مه‌ز "رۆناهی"، له‌  ٩ی کانوونی دووه‌می ٢٠١٣ دا له‌ وڵاتی فه‌ڕه‌نسا به‌ پیلانگێڕییه‌کی به‌رفراوانی نێوده‌وڵه‌تی شه‌هید کران.