ناوەندی هەواڵ

 

ڕۆژی ٥ی تشرینی دووەمی ئەمساڵ هەڵبژاردنی سەرۆکایەتیی ئەمریکا دەکرێت، نزیکەی ٢٤٤ ملیۆن هاووڵاتی مافی دەنگدانیان هەیە کە ٤١ ملیۆنیان تەمەنیان لەنێوان ١٨ بۆ٢٧ ساڵە و ٨ ملیۆنیشیان یەکەم جاریانە دەنگ دەدەن.

 

بەگوێرەی دوایین ڕاپرسی پێگەی ئەکسیۆسی ئەمریکی، کامالا هاریس کاندیدی دیموکراتەکان ٦٠%و دۆناڵد ترەمپ، بەربژێری کۆمارییەکان ٤٠%ی دەنگەکانی ئەوانەی تەمەنیان ١٨ بۆ ٢٧ساڵە بەدەستدەهێنن. 

 

ڕۆژی ٦ی ئاب کامالا هاریس بە دەنگی ٩٩%ی نوێنەران بووە کاندید فەرمی پارتەکە بۆ سەرۆکایەتی ئەمریکا.

 

ئێستا کامالا هاریس بووەتە یەکەمین ژن لە ڕەشپێستەکان لە مێژووی ئەمریکادا، کە بەربژێری فەرمی پارتێکی سیاسی بێت بۆ هەڵبژاردنی سەرۆکایەتی.