باشاک دەمیرتاش بۆ ئایسەل توغلوک و ئایشە ئۆزدوغان هەڵوێستی نیشان دا
باشاک دەمیرتاش ئاماژە بەوەدەکات، ئایسەل توغلوک بەجێهێلدرا بۆ مردن، ئایشە ئۆزدۆغان دەستگیرکرا، چ ویژدانێک ئەوە قبوڵ دەکات؟.
![](https://jinhaagency.com/uploads/so/articles/2021/10/20220306-screenshot2021-10-04115009-jpgeeee1c-image.jpg)
ناوەندی هەواڵ
باشاک دەمیرتاش، هاوسەری سەڵاحەدین دەمیرتاش هاوسەرۆکی پێشووی هەدەپە کە ئێستا لە زینداندایە، لە ڕێگەی هەژماری تایبەتی خۆیەوە لە تویتەر پەیامێکی سەبارەت بە دەستگیرکردنی ئایشە ئۆزدۆغان بڵاوکردەوە و ناڕەزایەتی خۆی دەربڕی و ڕایگەیاند، وەک ئەوەی بەندکردنی هەزاران نەخۆشی وەک ئایسەل توغلوک لە گرتووخانەکاندا و بەجێهێشتنیان بۆ مردن بەس نەبێت، ئایشە ئۆزدۆغان سەرەڕای نەخۆشییە قورسەکەی دەستگیرکرا و ڕەوانەی گرتووخانە کرا، چەند هێندە زیادبوونی نادادپەروەری لە چ ویژدانێکدا جێگەی دەبێتەوە؟.
ئایشە ئۆزدۆغان تووشبوویەکی نەخۆشی شێرپەنجەیە و لە ئێستادا نەخۆشییەکەی گەیشتووەتە قۆناغی چوارەم و لە بارودۆخێکی تەندرووستی زۆر خراپدایە، بەڵام داواکاری دواخستنی سزاکەی ڕەتکرایەوە و ڕەوانەی گرتووخانە کرا.
ئایشە ئۆزدۆغان سزای ٩ ساڵ و ٤ مانگ زیندانی بەسەردا سەپێندراوە و سەرەڕای خراپی بارودۆخی تەندرووستی سزاکەی لە لایەن ئەنجومەنی دادوەرییەوە پەسەندکراوە.