شاخەوان ئێلناز ڕەکابی بەبێ حیجاب بەشداری ئۆڵۆمپیادی کرد
ئێلناز ڕەکابی، نوێنەری ئێران لە یارییەکانی ئۆڵۆمپی کە لە سیئۆل بەڕێوەچوو، چاوپۆشی لەو سنووردارکردنانە کرد کە ئێران بەسەر وەرزشوانانی ژندا دەیسەپێنێت و بەبێ حیجاب بەشداری لە یارییەکانی کۆتاییدا کرد.
![](https://jinhaagency.com/uploads/so/articles/2022/10/20221017-20221017-20221017-20221017-rkaby-pngb66229-image-jpgf58247-image-jpg0d79c4-image-jpgf413bc-image.jpg)
ناوەندی هەواڵ
ئێلناز ڕەکابی، ئەندامی تیمی شاخەوانی ئێران کە لە یاری کۆتایی یارییەکانی ئاسیا لە کۆریای باشوور بەشداری کردبوو، بە فڕێدانی حیجابەکەی سەپاندنی حیجاب و کوشتنی ژینا ئەمینی ئیدانە کرد و لە پێشبرکێکەدا کە بێ حیجاب بەشداری کرد توانی پلەی چوارەمی ئاسیا بەدەستبهێنێت.
شاخەوانی ئێرانی، ئێلناز ڕەکابی پاڵەوانی ئێرانە و لە ساڵی ٢٠١٧دا میدالیای زێڕی جامی بۆڵدەری ئاسیای بەدەستهێناوە.
لە پێشبڕکێ وەرزشییەکاندا، پۆشینی حیجاب لەلایەن وەرزشوانانی ژنی ئێرانی سەپێنراوە و وەک یەکێک لە گەورەترین بەربەستەکانی بەردەم سەرکەوتنیان سەیر دەکرێت. سەرەڕای دژایەتییەکی بەرفراوان، فیدراسیۆنە وەرزشییەکان حیجاب بەسەر وەرزشوانانی ژندا دەسەپێنن، بۆیە وەک ناڕەزایەتی دژی کوشتنی ژینا ئەمینی و پاڵپشتی لە هەڵمەتی فڕێدانی حیجابی زۆرەملێ لەلایەن ژنانی ئرانەوە، ئێلناز بە بێ حیجاب بەشداری پاڵەوانێتییەکەی کرد و توانی پلەی چوارەم بەدەستبهێنێت.
بەشداریکردنی ئێلناز ڕەکابی لەم پێشبڕکێیەدا بەبێ حیجاب، بێ شک دەبێتە هۆی دوورخستنەوەی لە تیمی شاخەوانیی گوڵان.