لە مانگێکدا هەزارو ٦٨٩ منداڵ لە سلێمانی تووشی سکچوون و ڕشانەوە بوون
بەڕێوبەرایەتی گشتیی تەندروستی سلێمانی ئشکرایکرد، لە ١ بۆ ٣١ی ئاب ١٦ هەزار و ٨٠٨ منداڵ لە نەخۆشخانەی دکتۆر جەمال ئەحمەدى تایبەت بە منداڵان چارەسەر كراون، هەروەها هەزارو ٦٨٩ منداڵ تووشی سکچوون و ڕشانەوە بوون.
![](https://jinhaagency.com/uploads/so/articles/2023/09/20230910-376760951-853867236105584-1981773674376104644-n-jpgdf1192-image.jpg)
ناوەندی هەواڵ
بەڕێوەبەرایەتی گشتیی تەندروستی سلێمانی بڵاوىکردەوە، مانگى ڕابردوو ١٦ هەزار و ٨٠٨ منداڵ لە نەخۆشخانەی دکتۆر جەمال ئەحمەدى تایبەت بە منداڵان چارەسەر كراون.
ئەوەشخراوەتەڕوو، لەو مانگەدا هەزار و ٦٨٩ منداڵ توشى سکچوون و ڕشانەوە و وشکبوونەوە بوون.
لە ڕاگەیەندراوەکەدا ئاماژە بەوەشکراوە، ٢٩٤ منداڵ لە بەشی بەدخۆراكی، ٣٣٨ منداڵ لە بەشی تیشك و دەمار، ٣٠١ منداڵ لە بەشی ڕاهێنانەوەی چارەسەری خۆراك بیندراون و ١٧٨ منداڵ لە بەشی نەبەكام داخڵی نەخۆشخانەکە کراون.