تابلۆی زەیتی "خاتوو شالۆت" لەلایەن نیگارکێشی بەریتانی جۆن ویلیام واتەرهاوسەوە کێشراوە، کە سەرسام بووە بە ئەفسانە کۆنەکان و کەسایەتییە مێژووییەکان، زۆربەیان لە تابلۆکانیدا بە دیمەنی هونەری نایاب بەرجەستە کردووە.

 

ئەم تابلۆیە وێناکردنی دیمەنێک بوو کە لە شیعرێک وەرگیراوە بە هەمان ناونیشان کە ئەلفرێد تێنیسۆن لە ساڵی ١٨٣٢ نووسیویەتی، تیایدا شاعیر باسی چارەنووسی ژنێکی کردووە کە لە تاوەرێکدا لە تەنیشت قەڵایەکەوە گیری خواردووە، ئەو کاتەی لە چەرمەسەریدایە.

 

بەگوێرەی ئەفسانە، ڕۆژێک ژنەکە بڕیاریداوە لەو نەفرەتییە ڕزگاری بێت و لەو تاوەرە دەربچێت، بۆیە بە بەلەمێکی بچووک لەودیوی ڕووبارەکە ڕزگاری بووە، بەڵام هەستی کردووە ئەو مردنەی پێشوەختە ئاگاداری کراوەتەوە ئەگەر بڕوات تاوەرەکە لێی نزیک بووەوە، بۆیە دەستی کرد بە گۆرانییەکی خەمناک کە تێیدا ماڵئاوایی لەو ژیانە کرد کە هەمیشە خەونی پێیەوە دەبینی.

 

نیگارکێشەکە وێنا دەکات کە لەناو بەلەمەکەدا دانیشتووە و ئەو زنجیرەیەی کە بەلەمەکەی بە کەنارەوە بەستووە بە دەستیەوە و لە ژێرەوەیدا بەرگێکی بە دەستەکانی تواوەتەوە و لە بەردەمیدا چەند مۆمێک هەبوون کە هێمای ژیان بوون.

 

وە دیمەنی دەوروبەری بەبێ وردەکاری ورد نەخشاندووە بۆ ئەوەی تیشک بخاتەسەر کارەکتەرەکە، کە جلی سپی کلاسیکی لەبەردایە و قژێکی شۆخی هەیە، بە هاوئاهەنگی لەگەڵ بای سووک لە دەوروبەریدا، لەگەڵ تایبەتمەندییە خەمناکەکان کە گۆرانییەکی ماڵئاوایی دەڵێنەوە.

 

تابلۆکە لە ساڵی ١٨٨٨ کێشراوە و دوو نوسخەی دیکەش لە ساڵانی ١٨٩٤ و ١٩١٥ دەرچووە و لە ساڵانی هەشتاکانی سەدەی نۆزدەهەمدا نیگارکێش جۆن ویلیام واتەرهاوس تابلۆکەی لە گەلەری نوێ و گەلەری ناوچەیی لە لیڤەرپوول و مانچستەر و دواتر نمایش کردووە تابلۆکە لە ئینگلتەرا و دەرەوەی وڵات بە شێوەیەکی بەرفراوان نمایشکرا و ئێستا لە مۆزەخانەی تایت لە لەندەنە.