تابلۆی "پێش خەوتن زەردەخەنە بکە"، تابلۆیەکی زەیتییە کە لەلایەن هونەرمەندی سویسری فریتز بویلەرەوە لە ساڵی ١٨٧٧ کێشراوە، ئارامی لە دیمەنەکانیدا وەبیر دەهێنێتەوە.

 

هونەرمەندی سویسری گریتز بوهلەر ١٨٢٢-١٨٩٦لە تەمەنێکی بچووکدا حەزی لە وێنەکێشان بووە، چونکە گەشتێکی بۆ پاریس کردووە بۆ ئەوەی دەستبکات بە ڕاهێنان لەسەر شارەزابوون لە هونەری وێنەکێشان، لە تەمەنی نۆزدە ساڵیدا ڕووی لە ئیتاڵیا کرد و بۆ ماوەی پێنج ساڵ لەوێ مایەوە، بۆ ئەوەی دواتر گەشت بکات بۆ ئەڵمانیا، و خوێندنی هونەری لە ئەکادیمیای بەرلین لە نێوان ساڵانی ١٨٤٣-١٨٤٤ تەواو کرد.

 

یەکەم تابلۆکانی لە پێشانگای ساڵانەی سالۆن لە ساڵی ١٨٥٠ نمایشکرد، هەروەها پاستێل و ڕەنگی ئاو و زەیتی لە تابلۆکانیدا بەکارهێنا، هاوکات خەڵاتێکی لە ئەکادیمیای هونەرە جوانەکانی پێنسیلڤانیا لە ئەمریکا لە ساڵی ١٨٧٧ وەرگرت.

 

یەکێک لە جوانترین تابلۆکانی لە نێوان ساڵانی ١٨٧٦-١٨٧٧دا کێشاویەتی، تابلۆیەکە بە ناوی "زەردەخەنەیەک پێش خەوتن"، تیایدا کچێکی بچووکی وێنا کردووە، تەمەنی لە دە ساڵ زیاتر نەبووە، لەگەڵیدا لەسەر جێگاکەی پاڵکەوتووە و لەگەڵ بووکە شووشەی دڵخوازەکەی ئامادەیە بۆ خەوتن.

 

ئەو کچە قژی قاوەیی و چاوی فراوان و ڕوومەتی پەمەیین، بە زەردەخەنەیەکی شیرین سەیری بینەر دەکات، لە دیمەنێکدا کە ڕۆح دڵنیا دەکاتەوە و دڵ خۆش دەکات.

 

ئەم تابلۆیە سەرەڕای سادەییەکەی، بینەری بۆ تێڕامان و بیرکردنەوە لە جوانی و ئارامیی ئەو منداڵە ڕاکێشا و بیر لەوە بکاتەوە کە ئایا ئەو نیگەرانییانەی لەسەرشانی هەڵیگرتبوو، شایانی خەم و پەژارە بوون یان نا.