حەلەب- هاوسەرۆکی ئەنجومەنی گشتی گەڕەکەکانی شێخ مەقسود و ئەشرەفیە، ئەو ڕێککەوتنەی لەگەڵ حکومەتی راگوزەر ئەنجامدرا بە سەرەتای کراوەیی ،بۆ هەموو ناوچەکانی سووریا و بە هەنگاوێکی سەرکەوتووی زانی بۆ شکاندنی ئەو بیروباوەڕەی کە دان بە خواستی ژناندا نانێت، بوونیان لە پۆستەکانی بڕیاردان، و مافی چارەی خۆنووسینیان.

 

لە سەرەتای مانگی نیساندا ڕێککەوتنێک سەبارەت بە گەڕەکی شێخ مەقسود و ئەشرەفیە لە نێوان ئەنجوومەنی گەڕەکەکان و حکومەتی گوازراوە لە دیمەشق ئەنجامدرا. ڕێککەوتنەکە ١٤ بڕگەی سەرەکی لەخۆدەگرێت کە بریتین لە پەرەپێدانی پێکەوەژیان و پاراستنی دانیشتوان و ڕێگریکردن لە دەرکەوتنی چەکداری و ڕێکخستنی ئاسایشی ناوخۆ. ڕێککەوتنەکە پێکهێنانی لیژنە بۆ جێبەجێکردنی بڕگەکان و ئاسانکاری جووڵە و دەستڕاگەیشتن لەخۆدەگرێت.

 

هێڤین سلێمان هاوسەرۆکی ئەنجومەنی گشتی گەڕەکەکانی شێخ مەقسود و ئەشرەفیە لە شاری حەلەب، ، ڕوونیکردەوە "ئەو ڕێککەوتنە لە کاتێکی هەستیاردا بووە ،لەو هاوسەنگییە سیاسییانەی لە سووریا شاهیدی کراون، لەنێویاندا ئەو کۆمەڵکوژییانەی لە کەناراوەکانی سووریا ئەنجامدراون، ئەو پێشێلکاریانەی لە باکوری ڕۆژهەڵاتی سووریا بینراون".

 

ئەو ڕێککەوتننامەی بە "مێژوویی" پێناسەکرد، بەهۆی گرنگیەکەی ،دوای قەیرانێک کە زیاتر لە ١٤ ساڵی خایاند، بە لەبەرچاوگرتنی ئەوەی کە "رێککەوتنی نێوان گەڕەکەکانی شێخ مەقسود و ئەشرەفیە و شاندەکانی حکومەتی کاتی سەرەتای کراوەیە، بۆ هەموو ناوچەکانی سووریا، هەنگاوێکی سەرکەوتووە بۆ شکاندنی ئەو بیروبۆچوونە کە دان بە خواست و ئامادەبوونی ژنان لە پێگەی بڕیاردان و ڕاستیدا نانێت، بۆ چارەنووسی خۆنووسین”. بەیاننامە دەستورییەکەی کە لەم دواییانەدا لەلایەن حکومەتی کاتیەوە دەرچووە "ژنانی پەراوێزخستووە لە ڕۆڵی خۆیان لە بەیاننامەی دەستوریدا، هەربۆیە هیچ بڕگەیەک نییە کە مافەکانی ژنان بپارێزێت و دەستەبەری بکات، لەکاتێکدا ئەو ڕێککەوتنەی ئەم دواییەی لە نێوان هەردوولا واژۆکراوە، کە بەڕێوەبەرایەتی هاوسەرۆکی دەکات، بووەتە ڕاستی و بنەمایەک بۆ بنیاتنانی سووریایەکی دیموکراتی و فرەیی و لامەرکەزی".

 

ناوبراو داوای لە ژنانی سووریا کرد، کە خواستێکی بەهێزیان هەبێت بۆ دەستەبەرکردنی مافەکانیان لە دەستووری سووریادا.

 

 “ڕژێمی نوێ دان بە خواستی ژناندا نانێت، بۆیە دەبێت پێداگری لەسەر بوونی خۆیان بکەن لە هەموو بوارەکاندا، سیاسی، کۆمەڵایەتی و دیپلۆماسی بە یەکسانی، بۆ ئەوەی نەگەڕێنەوە بۆ ئەو دەوڵەتەی کە لە سەردەمی حکومەتەکانی پێشوودا تێیدا بوون، یەکێک لە خواستەکانی شۆڕشی سووریا ئەوەیە کە گەلەکەی بە ئازادی و دیموکراتی بژین، و ژنان مافی خۆیانە پشکی خۆیان لەوە وەربگرن، بۆیە دەبێت هەستن بۆ ئەوەی مافی خۆیان وەربگرن، چونکە ئازادی و ماف نادرێت، بەڵکو دەسەندرێتەوە”.

 

لە کۆتایی قسەکانیدا، هێڤین سلێمان، هاوسەرۆکی ئەنجومەنی گشتی گەڕەکی شێخ مەقسود و ئەشرەفیە جەختی کردەوە کە ئەوان ئاواتەخوازن بۆ سووریایەکی دیموکراتیک، کە مافی هەموو پێکهاتەکان لە دەستوورەکەیدا دەستەبەر بکات. وتیشی: دەستووری ئێستا نوێنەرایەتی خواستی  گەلی سووریا ناکات و هیوادارین ئەم ڕێککەوتنە ببێتە بنەمایەک بۆ دیموکراتیکردنی سووریا.