سارا قادر زادە

 

مهاباد- دوێنێ هەڵبژاردنی سەرۆکایەتی ڕژێمی ئیسلامی ئێران لە نێوان چوار کاندید بەڕێوەچوو، بەڵام ئەوەی بۆ جاری دووەم بەرامبەر ڕژێمی ئیسلامی و شەرعیەتی ڕژێمەکە وەستایەوە، کەمی ڕێژەی بەشداری لەم هەڵبژاردنانە بوو، ئەم هەڵبژاردنە دووەم هەڵبژاردنە کە لە دوای ڕاپەڕینی "ژن، ژیان، ئازادی"یەوە بەڕێوەدەچێت، هەڵبژاردنی پێشتری پەرلەمانیش گەل بە بەشدارینەکردنیان ناڕەزایەتی خۆیان بەرامبەر  گشتی بوو لە هەڵبژاردنەکاندا.

 

مهاباد و بایکۆتی هەڵبژاردن

سەرەڕای هەوڵە بەرفراوانەکانی حکومەت و کاندیدەکانی سەرۆکایەتی لە ماوەی بانگەشەی هەڵبژاردنەکاندا، بارەگاکانیان لە ئێران و بە تایبەت لە ڕۆژهەڵاتی کوردستان زۆر چۆڵ بوو و لە ڕۆژی هەڵبژاردندا شارەکانی وەک مهاباد بە بەراورد بە هەڵبژاردنەکانی پێشوو دابەزینی بەرچاوی ڕێژەی بەشداریکردنیان بەخۆیەوە بینی.

 

بەپێی ڕاپۆرتی خەڵکی شاری مهاباد، کەمترین ڕێژەی بەشداری لە سەرجەم ناوچەکانی شار و گوند بەدیکراوە کە بریتی بووە لە ٧٧ لق لە شاری مهاباد، ٤٠ سندوق لە بەشی ناوەڕاست و ٢٧ سندوق لە ناوچەی خەلیفان.

 

لە شاری مهاباد زۆربەی دەنگدەران خەڵکی دەرەوەی شارەکە و هێزەکانی سوپا و سوپای پاسداران و بنەماڵەکانیان بوون و بەشێکی زۆر لە زیندانیان و فەرمانبەران و خوێندکارەکان سەرەڕای هەڕەشە و بەڵێنەکان. دەنگیان نەدا.

 

باری ئاسایشی مهاباد

هەرچەندە چەند ڕۆژێک پێش هەڵبژاردنەکان و لە هەمان کاتدا کە کاندیدەکانی سەرۆکایەتی بانگەشەی هەڵبژاردنیان دەکرد، دۆخی شارەکە بە توندی کۆنترۆڵ و ئەمنیەتی کرابوو، بەڵام لە ڕۆژی هەڵبژاردندا دۆخەکە زیاتر بە سەربازی کرا، هەندێک ناوچەی هەستیاری حکومی وەک پەخش و بنکەی سوپا و سوپای پاسدارانی ئێران و هەروەها باڵەخانەی پارێزگاری ئێران بە توندی پاسەوانی کران.

 

چەند کاتژمێرێک دوای دەستپێکردنی هەڵبژاردن، خەڵکێکی زۆر لە ئێران پەیامی ئاگادار کردنەوەیان پێگەیشت بۆ هاندان و بەشداریکردن لە هەڵبژاردنەکاندا، هەروەها سندوقی دەنگدانی گەڕۆک بە فەرمانی حکومەت بەسەر هاوڵاتییاندا دەگێڕدرا.

 

دوای نوێژی هەینی لە مزگەوتی گەورەی مهاباد و لە هەندێک مزگەوت کە دانیشتنی خەتمی تیادا بەڕێوەدەچوو، بوکەڵەکانی حکومەت خەڵکیان هاندەدا بۆ دەنگدان بە پڕوپاگەندە، کە بە ناڕەزایەتییەکی بەرفراوانی خەڵک ڕووبەڕوو بوونەوە، تەنانەت دەگوترێ کە بەشێک لە هاوڵاتیان مزگەوتەکانیان بەجێهێشتووە تا دەنگ نەدەن.

 

ژنانی پێشەنگ داوای دادپەروەری دەکەن

ژنان لە بایکۆتی بەربڵاوی هەڵبژاردن لە شاری مهاباد ڕۆڵێکی سەرەکییان هەبووە، شەرمین جەلالی، هاوڵاتییەکە و دەڵێت: ئێمه وتمان نەخێر لەم هەڵبژاردنەدا، چونکە خوێنی کەسانی وەک شەهید کوبرا شێخە ڕژایە سەر زەوی ئەم شارە، هەرگیز ناتوانین تاوانەکان لەبیر بکەین، من بە دەنگی بەرز لەناو هاوڕێ و خێزانەکەمدا ڕامگەیاندبوو کە دەنگ نادەم و پشتگیری ئەم هەڵبژاردنە نمایشییە ناکەم، بۆ منیش جێگەی سەرنج بوو کە زۆرێک لەگەڵ هۆکارەکانم هاوڕا بوون، ئێمە خوێنمان بەخشی بۆ "ژن، ژیان، ئازادی"، پەنجەیەک ناخەینە ناو ئەم خوێنەوە، چونکە دەزانین لە چوارچێوەیەکی وادا دەگۆڕێت بۆ گوللە و یاسای دژە ژن.

 

سانام.، چالاکوانی مافی ژنان و شارەزا لە پەیوەندییە نێودەوڵەتییەکان، دەڵێت: وەک ژنێک لەم کۆمەڵگەیەدا هەمیشە هەستم بە هەڵاواردن و پەراوێزخستن کردووە، بە هۆی کورد بوونم لە ئێراندا لە کارە سەرەکییەکان بێبەش دەبم، لە ئێرانیش بە هۆی ناسنامەکەمەوە ستەم و جیاکاریم دەکرێت، هەر لەبەر ئەم هۆکارە لە ئێراندا کەلێنی کۆمەڵایەتی، سیاسی و فەرهەنگی فراوانە، بە یەک وشە وتم نەخێر. وتم نا بۆ دژە ژنان و دژە دیموکراسی و حکومەتی دژە دادپەروەری، من ناتوانم باوەڕم بە ڕیفۆرمخوازی هەبێت لە حکومەتێکدا کە لەسەر بنەمای دیموکراسی دانەمەزرابێت، ڕیفۆرمخوازی خیانەتێکە کە یەکسانی تێدا نەبێت، لە ئێرانیش لە خوێندن بە زمانی دایک بێبەشین، ئێران یەکەیەکی تاک زمانە و گەلانی دیکە لە مافی هاوڵاتیبوون و خوێندن بە زمانی دایکی و مافە سەرەتاییەکانیان بێبەشن.

 

هەڵبژاردنی سەرۆکایەتیی مهاباد لە کاتێکدا کۆتایی هات کە تەنانەت دوای چەندین درێژکردنەوەی کاتژمێرەکانی دەنگدان، هێشتا بازنەکانی هەڵبژاردن کەمترین ڕێژەی بەشداریکردنیان لە چوار دەیەی دەسەڵاتی ڕژێمی ئیسلامیدا بەخۆیەوە بینی و پرسی هەڵبژاردنیش هێندە بێ بایەخ بوو بۆ خەڵک، کە کاتیان بۆ چوونە سەر سندوقەکانی دەنگدان تەرخان نەکرد.