ڕۆناهی نودا

 

قامیشلۆ- لە ١٦ی ئایاردا بڕیاری دۆسیەی کۆبانێ درا، لە دۆسیەی کۆبانێدا ١٠٨ کەس دادگایی کراون، سیاسەتمەداران بە توندی سزا دراون، دوای دۆسیەی کۆبانێ، گەلی کورد و دۆستەکانیان ئەو بڕیارە نایاساییانەیان شەرمەزار کرد کە دژی سیاسەتمەدارانی کورد دراون، سەبارەت بە دۆسیەی کۆبانێ، ڕیحان لۆقۆ، وتەبێژی ڕێکخراوی کۆنگرە ستار  بۆچوونی خۆی خستەڕوو.

 

"سڵاو لە بەرخۆدانی زیندانیانی دۆسیەی کۆبانێ"

 سەرەتا ڕیحان لۆقۆ سڵاوی لە بەرخۆدانی زیندانیانی دۆسیەی کۆبانێ کرد و وتی: سەرەتا لە کەسایەتی ژنی پێشەنگ فیگەن یوکسەکداغ سڵاو بۆ بەرخۆدانی زیندانیانی باکووری کوردستان دەنێرین،. وەک ژنانی باکوور و ڕۆژهەڵاتی سووریا بە ڕۆحی شۆڕشی ژنان خۆشەویستی خۆمان پێشکەش دەکەین و سڵاویان لێدەکەین، ئەو بەرخۆدانەی کە دۆستانی ناو زیندان لە سەدەی ٢١دا ئەنجامی دەدەن، بەرخۆدانێکی مێژووییە، ئەو بەرخۆدانەی کە ئەنجامی دەدەن، مێژوویەکی نوێی خەبات و ڕاپەرین لە دژی دەسەڵاتە داگیرکەرەکان نیشان دەدات، ڕژیم هەمیشە هێرشی کردووەتە سەر ژن و پیاوی زانا بۆ ئەوەی لە هەموو ژیانێک دایانببڕێت،بۆیە هەرگیز بەرخۆدان لە دژی ئەم هۆشیارییە ڕانەگیراوە, لە مێژووەوە تا ئێستا بەرخۆدانی باکووری کوردستان بە پێشەنگایەتی ژنان هەمیشە بەردەوام بووە، بە پێشەنگایەتی ژنان خەباتێکی گەورە بۆ بەرقەرارکردنی دیموکراسی و ئاشتی و یەکسانی دراوە.

 

"خەباتی ژنان تادێت بەرەوپێش دەچێت"

 ڕیحان لۆقۆ تێکۆشانی ژنانی لە کەسایەتی فیگەن یوکسەکداغدا بەم شێوەیە هەڵسەنگاند: فیگەن یوکسەکداغ بە ئیرادەیەکی زۆرەوە ڕۆیشت و هەموو ساتەکانی ژیانی بۆ پاراستن و بوون و سەرکەوتنی ژنان بەسەر دەبرد، لە کەسایەتی فیگەن یوکسەکداغدا دەیان و سەدان ژنی سیاسی و ڕۆشنبیر و پارێزەر و سۆسیالیست دڵسۆزی ئازادین، دەبینین لەم سەدەیەدا بەرامبەر بە سیستمە توندەکان، ژنان پێشەنگی مێژوویی دەگرنە بەر، لەگەڵ قووڵبوونەوەی هێرش و هۆشیارییان، بەرخۆدانی ژنان بەرزتر و گەورەتر دەبێت”..

 

"یەکڕیزی گەل بۆ ڕزگاری کۆبانێ دروست بوو"

ڕیحان لۆقۆ باسی لە شەڕی کۆبانێ کرد کە لە ساڵی ٢٠١٤ ڕوویدا و وتی: لە ساڵی ٢٠١٤ شەڕی کۆبانێ هەبوو کە هەموو گەلی کورد و دۆستەکانیان لە هەموو شوێنێک یەکگرتوویی خۆیان بۆ کۆبانێ ڕاگەیاند، ژنان و گەنجان و خەڵک دڵسۆزییەکی زۆریان بۆ کۆبانێ نیشان دا. خەباتێکی گەورە بۆ کۆبانێ هەبوو کە دەتوانین پێناسەی بکەین کە مانایەکی گەورەی هەیە، سنوورەکان لەلایەن باکووری کوردستانەوە شکێندران و چوونە کۆبانێ، بەرخۆدانی کۆبانێ بە پشتیوانی گەلی باکووری کوردستان و ئەو سیاسەتمەدار و پارێزەر و هونەرمەندانەی کە بەردەوام خەباتیان کرد، ڕزگاری بوو، گەل و ژنان خۆیان بۆ کۆبانێ یەکخست، بەرخۆدانێکی مێژوویی بۆ پشتگیریکردن لەم دۆسیەیە ئەنجامدرا.

 

"کەس ناتوانێت ئیرادەمان بشکێنێت"

 ڕیحان لۆقۆ سەبارەت بە بێدەنگیی نێودەوڵەتی بەرامبەر بە دۆسیەی کۆبانێ وتی: تا ئێستا دەوڵەتی تورکیا پێی قبول ناکرێت کە لە کۆبانێ شکاوە، بۆیە بڕیاری سەپاندنی سزای قورس بەسەر ١٠٨ سیاسەتمەدار و پارێزەر و ڕۆشنبیر و نووسەردا دەرچووە،  دیارە دەوڵەتی تورکیا زۆر لاوازە و سیستمی دیموکراسی و دادپەروەری و یەکسانی لە وڵاتەکەیدا نییە. سیستمی دەوڵەتی تورکیا لەسەر بنەمای داگیرکاری و تاکلایەنە دامەزراوە، بەپێچەوانەی ئیرادەی گەل، دەوڵەتی تورک لە ئیرادەی ئەو سیاسەتمەدارانە دەترسێت، ئێستاش دەوڵەتی تورکیا هەوڵ دەدات سزای قورس بەسەر سیاسەتمەدارانی ئێمەدا بسەپێنێت، ئەو سیاسەتمەدارانەی کە لە سیستمی نەتەوەی دیموکراتیکدا پەروەردە بوون، ئەو سیاسەتمەدارانەی بۆ گەلی کورد بەرخۆدانیان کرد، سزا دران، ئەم سزایە لەبەرچاوی هەموو دونیا درا، بەڵام بێدەنگییەکی گەورە لە کۆمەڵگەی نێودەوڵەتیدا هەیە، ئەم بێدەنگییە بەو مانایەیە کە ئەوانیش هاوبەشی دەوڵەتی تورکیان، ئەو خەڵکە لەسەر پاراستنی خاک و نیشتیمانیان سزا دەدرێن، ناتواندرێت ئیرادە و فەلسەفەی ئێمە بشکێندرێت.

 

"لە پشت زیندانیانی دۆسیەی کۆبانێین"

ڕیحان لۆقۆ ڕایگەیاند ئەوانیش وەک ژنانی باکوور و ڕۆژهەڵاتی سووریا لە پشت زیندانییانی دۆسیەی کۆبانێن و لە درێژەی قسەکانیدا وتی: هاوڕێکانمان کە لە دۆسیەی کۆبانێ سزا دەدرێن بە پەیامی بەرخۆدان دەستیان پێکرد، چۆن بە بەرخۆدانی خۆیان کۆبانێیان سەرخست، هەموو ڕۆژەکانیان لە زیندانەکاندا بەرخۆدان دەکەن دژ بە عەقڵی داگیرکەر ناوەستن، ئەو پەیامەی بەرخۆدان بۆ ئێمە گرنگە و ئێمەش وەک ژنانی باکوور و ڕۆژهەڵاتی سووریا بەتەنها جێیان ناهێڵین و لە پشتیانەوە ڕادەوەستین، ئەو دۆسیەیە ئێمە کۆدەکاتەوە، بۆیە ئێمە لەگەڵیانین.

 

"بە  بەرخۆدان کۆتایی بە قڕکردن دەهێنین"

لە کۆتایی قسەکانیدا ڕیحان لۆقۆ وتی: بە خەبات و بەرخۆدان و ڕێکخستنی خۆمان کۆتایی بە پلانی داگیرکەران و قڕکەران دەهێنین، دەوڵەتی تورک، لە کەسایەتی سیاسی و ڕۆشنبیران و گەلەکەماندا، دەیەوێت سیاسەتی جینۆساید لە دژی گەلی کورد و ژنانی کورد درێژە پێبدات، ڕێگە نادەین ئەمە ڕووبدات و بە بەرخۆدانی خۆمان کۆتایی بە قڕکردن دەهێنین، پەیامی ئێمە ئەوەیە کە ئەم دۆسیەیە بە تەنیا جێناهێڵین، وەک چۆن گەلی باکووری کوردستان، ڕۆژئاوای کوردستانیان بە تەنیا جێ نەهێشت، ئێمەش ئەوان بە تەنیا جێناهێڵین، بە گیانی بەرخۆدان و بە پێشەنگائیەتی ژنان و بە دروشمی "ژن، ژیان، ئازادی" کە بەڵێنی ئێمەیە، خۆمان بەهێزتر دەکەین.