مەخموور

 

گەلی کامپی پەنابەرانی مەخموور کە لە ساڵانی نەوەدەکاندا بەهۆی سەرکوتکردنی دەوڵەتی تورکیاوە کۆچیان کرد بۆ باشووری کوردستان، دەزگاو ڕێکخراوی خۆیان لە هەموو ناوچەیەک دامەزراندووە کە تێیدا نیشتەجێ بوون، بەم دواییانە، کاتێک لە کامپی مەخموور نیشتەجێ بوون، دەستیان کرد بە دروستکردنی دامەزراوە و ڕێکخستنی خۆیان. یەکێک لە دامەزراوەکان دامەزراوەی ژنانە، دامەزراوەی ژنانی کامپی مەخموور لە ساڵی ٢٠٠٢ دامەزراوەو دەستی بە کار کردووە، هەلی کار بۆ ژنان بەرز دەکاتەوە، بەشەکانی وەک خوێندنگەکان، بەرگدرووەکان، کولتوورەکان، وۆرکشۆپ هەن. لەو بەشانەدا، زۆربەی ژنان شوێنی خۆیان دەگرنەوە.

 

سێ خولی پەروەردەی دوورین کرانەوە

ئامانجی دامەزراوەی ژنان ڕێکخستنی ژنانە لە هەموو بوارەکاندا، دۆزینەوەی چارەسەر بۆ ئەو ژنانەی کە کێشەیان هەیە و دەرفەتی کاریان بۆ دەڕەخسێنێت بۆ ئەوەی هێزی خۆیان ببینن و خۆیان بناسن، ساڵانە پەروەردە لەهەموو بەشەکاندا ڕێکدەخات، لە ساڵی ٢٠٢٣دا، سێ خولی پەروەردەی دوورین بەڕێوەچوو، ژمارەیەکی زۆر لە ژنان لە کامپەکەدا بەشدارییان کرد گەشەیان کرد، هەروەها دامەزراوەی ژنان پڕۆژە بۆ پەرەپێدان و بڵاوکردنەوەی کولتووری کوردی پێشکەش دەکات و لەگەڵ وڵاتانی بیانیدا دەکەوێتە پەیوەندییەوە.

 

لەم دواییانەدا، پڕۆژەیەک لەلایەن ژنانی کورد لە دانیمارک پێشکەش بە دامەزراوەی ژنان لە کامپی مەخموور کرا، لەم پڕۆژەیەدا ١٦ ژن بەشداربوون لە خولی پەروەردەی دوورین، هەندێک لە ژنان لە بەرگدرووەکان کار دەکەن، هەندێکی تریان لە ماڵەکانیان کار دەکەن بەهۆی نەبوونی دەرفەت، ئامانجی پڕۆژەکە بریتییە لە ناساندن و نیشاندانی دەوڵەمەندی کولتووری کوردی لە وڵاتانی بیانی، هەروەها یارمەتیدانی ژنان لە کامپی مەخموور بۆ پەرەپێدانی خواستی ژنان بۆ کولتووری کوردی.

 

" پرۆژەمان داڕشتووە بۆ ئەوەی کولتووری کوردی لە بیر نەچێتەوە"

قیمەت کلنچ، مامۆستای دامەزراوەکە ئاماژەی بەوەکرد، لە پەیوەندیدان لەگەڵ وڵاتانی دەرەوەی کوردستان بۆ ئەوەی کولتووری کورد بە زیندوویی بهێڵنەوە و پڕۆژەی جۆراوجۆر پەرەپێدەدەن، وتی: ئەمساڵ دەستمان بە چەندین خولی پەروەردە کردووە، بە تایبەتی لەبارەی دوورینەوەم سێ جار خولمان هەبوو، هەروەها چەندین پرۆژەمان پەرەپێداوە و ناردومانە بۆ شوێنە پەیوەندیدارەکان، ناردمان بۆ ئەو ناوەندانەی کە مامەڵە لەگەڵ ڕێکخراوەکانی ژنان دەکەن و گرنگی بە ژنان دەدەن، لەگەڵ ئەم پڕۆژەیەدا، بەتایبەتی لە دەرەوە، وەک وڵاتانی ئەوروپا، کاری خۆمان دەکەین بۆ ئەوەی ڕێگری بکەین لەوەی کولتووری کوردی لەبیر بکرێت، لە هەمان کاتدا، ژنان لەو شوێنانەی کە دەیانەوێت کولتووری کوردی لەدەست نەدەن، خۆیان بە بەرپرسیار دەزانن، پڕۆژەیەکی لەو جۆرەیان پێشکەش کردووە و بۆ ئێمەیان ناردووە.

 

"ئامانجمان خزمەتکردنی زیاتری ژنانە"

قیمەت کلنچ ڕایگەیاند ئامانجی سەرەکی دامەزراوەی ژنانی کامپەکە ڕێکخستنی ژنان و بەشداریکردنیانە لە کۆمەڵگەکەیان، وتی: لەسەر ئەم بنەمایە، پڕۆژەکەمان قبوڵ کردووە و دەستمان پێکردووە، نزیکەی ١٦ ژن لەم پرۆژەیەدا بەشدارن، ئامانج لە یارمەتیدانی ئەم ژنانە لە ڕووی ئابووری و کۆمەڵایەتی و دەروونییەوەیە، نزیکەی ١٥٠ جلوبەرگی کولتووری کوردی دروستکراوە و ئەم جلوبەرگانە هی ناوچە جیاوازەکانن. دوای تەواوبوونی کارەکانمان، دەینێرین بۆ ئەو شوێنانەی کە پڕۆژەکەمان پێشکەش کردووە.

 

"هەوڵ دەدەین هەموو داواکارییەکانی ژنان جێبەجێ دەکەین"

دەرسیم نایر، یەکێک لەو ژنانەی کە بەشداری لە پڕۆژەکەدا کردووە، وتی: لە چەند مانگی ڕابردوودا، دامەزراوەی ژنان پەروەردەی دوورینی کردووەتەوەو منیش بەشداریم کردووە، لە ئێستادا وەک ئەندامێکی ڕێکخراوەکە کار دەکەین، جلوبەرگی کوردی ژنان دەدوورین، کە هی ناوچە جیاوازەکانی کوردستانە، هەروەها هەموو ئەو جل و بەرگانە دەدوورین کە لە دەرەوەی وڵات داوا دەکرێن و هەوڵ دەدەین داواکارییەکان جێبەجێ بکەین.

 

لە کۆتایی قسەکانیدا، دەرسیم نایر داوای لە ژنان کرد و وتی: ژنانی گەنج دەبێت لە هەموو ڕوویەکەوە خۆیان ڕێکبخەن و گەشە بە خۆیان بدەن، بەبێ ئەوەی داوای یارمەتی لە هیچ کەسێکی تر بکەن، دەبێت کاری خۆیان بکەن و خۆیان بەڕێوەببەن، دەتوانن لە هەموو بوارەکاندا کولتوور، هونەر، بەرهەم، وێنە و جلوبەرگی کولتووری کوردی خۆیان پەرەپێبدەن.