غوفران ئەل-ڕادی

بەغدا - گروپی سەمفۆنی لە ساڵی ١٩٤٠ دەستی بە کاری مۆسیقا کرد، بەڵام دامەزراندنی لە ساڵی  ١٩٥٩ بە فەرمی ڕاگەیەندرا و ئۆکێسترای سەمفۆنیای عێراقی بە یەکێک لە کۆنترین سەمفۆنیای جیهان دادەنرێت.

سەبارەت بەڕۆڵی ژنان لەگروپی سەمفۆنیای عێراق، نور محەمەد لەگەڵ موزیکژەنی ڕیتمی Pace Drum Trinkle"" کۆبونەوە ناوبراو لە سەرەتای قسەکانیدا سەبارەت بە مردنی ژمارەیەک لە ئەندامەکانیان بەهۆی کۆرۆناوە قسەی کرد و وتی: "ئەندامە بەنرخەکانمان لە دەست داوە، بەڵام خۆشەویستیمان بۆ کاری مۆسیقابەردەوامە و لەگەڵ ئەو جوانییە کار دەکەین".

سەبارەت بە ئامادەبوونی ژنان لە ئۆکێسترای سەمفۆنیای عێراق، وتی: بوونی ژنان لە ئۆکێسترای سەمفۆنیای عێراق پاڵپشتیە بۆ ژنان و پێکهاتنەکەیان و ئامادەبوونیان لە هەموو بوارەکانی ژیاندا بەتایبەتی لە داهێناندا.

نور محەمەد ڕایگەیاند کە دەیانەوێت کلتوری هونەری و مۆسیقا بناسێنن و ژمارەی ژنان لە گروپی سەمفۆنی زیاد بکەن، چونکە دەبینێت هەندێک لە گومانلێکراوەکانی توانا و داهێنانی ژنان پیاوانن بە بیرۆکەی دواکەوتووەوە و لە بەردەوامیدا وتی:" بەهۆی  ئەوان ڕووبەڕووی سەختی دەبنەوە".

 

"مۆسیقا جیهانێکی زۆر نزیکە لە ژنان"

نور محەمەد کە ١٠ ساڵ پێش ئێستا دەستی بە پیشەی هونەری خۆی لە دنیای مۆسیقا کرد، دوای تەواوبوونی لە پەیمانگای هونەرە مۆسیقییەکان لە بەغدا و بوون بە پێشکەشکارێکی ئەکادیمی و داهێنەر، دەڵێت کە کێشەکانی چوونە ناو دنیای مۆسیقا بۆ ژنان بە هەڵبژاردنی خوێندنی لە مۆسیقا دەست پێدەکات و پێویستی بە ژینگەیەکی تەندروست هەیە بۆ مامەڵەکردن لەگەڵ هونەردا ئەو پێی وایە مۆسیقا جیهانێکی زۆر نزیکە بۆ ژنان و وتی: "ژنان بە هەست و پەیوەندیان لەگەڵ توخمەکانی ژیان زیاتر پەرۆشی و کاریگەرن لە مۆسیقادا، بۆیە پەیوەندی سۆزداریی زیاتر لەنێوانیاندا هەیە".

ئەو شارەزاییە لە گروپی سەمفۆنیادا وتی: "سەرەتا تێکەڵەیەک لە بەرپرسیارێتی و سووربوون و خواستی سەرکەوتن هەبوو، بەتایبەتی کە پیاوان هەمیشە زیاتر حەزیان بەو کەسانە هەیە کە هەوڵی لاوازکردنی بوونی ئێمە دەدەن".